💫جنون الليدر💫
الفصل2: هوس الزعيم بالصغيرة الفاتنة♥️🖇
🦋جزء 74;
ركبات معااه و كسيراو للمول نجم الدين تبع ليهم العين حتى غبرو على الطريق غير ختافاو على عنيه حس باحساس خايب شد فقلبو نفض الافكار السلبية و دخل للديبو جلس على الطبلة و هو كيخرب فشي ورااق
اماا ثائر و شهد طريق كولها قالبة ليه راسو بالموسيقى و الغناا حتى وصلو حدا المول كان كبير و زويين كلشي موجود فييه بلاصا طوموبيلتو و نزلو هي ويااه دخلو للمول هو من موراها مربع يديه بحال البوديكارد و هي كتمشى و تشوف هنا و هنا و لي عجبتها كتهزها لا اكسيسوارات لا ملابس لا سبابط كلشي على حساب ستيلها
عند نجم الدين لي خلط عليه منصور بقا هو وياه خدامين على خاطرهم حتى حسو بشي حد داخل علييهم و هاز فيديه العلامة لي كدل على انه شرطي وقفو بزووج و كيشوفو
الظابط: رتاحو رتاحو
منصور: اش حب الخاطر
الظابط شاف فنجم الدين و هز حاجبو فيه بمعنى بغا نجم الدين
نجم الدين تبسم باستهزاء: باشمن تهمة
الظابط:بتهمة انك كتاجر فالمخدرات (ميل راسو) نزيدك ؟
منصور دوا فبلاصة نجم الدين حيت عرفو ايفركع ليه راسو
منصور: شي دليل حضرة الظابط
الظابط: مم هدا هو المشكل خاصني الدليل ولكن لي مهم داباا هو انه وصلني قرار انني لقي القبض علييك
نجم الدين تعصب: كضحك معايا ولا كضحك على راسك سير جيب الدليل و اجي دخلني الحبس نتا كاع (غمزو)
الظابط من نظرات نجم الدين عرف ايقفرها جبد ورقة من جيبو كدل على انه خاصو يقبض جبد المينوط بغا يديرو لييه ولكن نجم الدين عارض خلاه على خاطرو
نجم الدين: تء تء بلا مينوط بلا والو سير هانا تابعك
الظابط؛ اش يضمن ليا
منصور غوت: سير ها هو تابعك
الظابط: هبط نبرة صوتك ولا اتبعو ( تبسم ومشا)
منصور تحكم فراسو بزز: منين خرج هاد الق****وي
نجم الدين: انعرف منين خرج انا انمشي نتبعو و نعرف شكون بلغ بيا انقلع ليه راسو و نتا بقا هنا حيت شهد مشات مع ثائر غير يجيو متقوليها والو واخا !
منصور: واخا غير تجي نوصلها عند الينا و نجي عندك فالبلاص
نجم الدين: واخاا
خرج من الديبو ركب سيارتو و توجه لمغفر الشرطة و هو معصب و كيسب فخاطرو اما منصور بقاا جالس و كيخمم و بالو مامهنيهش
⌛واقف بشموخ هاز التيلي كيلعب بيه فيديه حتى جاه اتصال كان كيساينو شاف المتصل تبسم بشر
يحيى: ايوا ؟
الشخص: لقيت السيد باغي السلعة وريتو تصويرتهاا عجباتو اتجيب ليه الكليان و ايكون رابح ونتا رابح كتر
يحيى: شوف فين هي عطيني عنوانها نجيبها فين ما كانت
الشخص: هي دابا فالمول لي *****
يحيى بشر: 15 مليون لي ضاعتلي فالارباح انعوضها بالقطيطة الشقية (ضحك بجهد) هههه
الشخص؛ جاتك اسي يحيى انا عارف ايعطيها لييك ههه انا دابا جاي عندك نجيب السيارة و ندوزو نهزو الزويونة
#يتبع
VOUS LISEZ
💫جنون الليدر💫
Aksiحصرية على الواتباد 👑لحصريا ولأول مرة على شاشتكم 👑 #مكتملة .. قصة تحت عنوان 💫جنون الليدر💫 #حصريا قصة بنكهة خاصة ومخالفة على باقي القصص بحيت في أحداثها مقتطفات واقعية، كوميدية درامية رومانسية، العشق الهوس الجنون، البراءة، الخجل تفرشيييخ رجو...
