⚡️جنون الليدر⚡️
✒️
الفصل2: هوس الزعيم بالصغيرة الفاتنة♥️🖇
🦋جزء 62;
خرجو ركبو فسيارتهم و هوما شادين فيدين بعضهم فرحانين لدرجة كبييرة نطق منصور
منصور: صوني ل شهد و نجم الدين علميهم
الينا: واخا احبيبي
شهد كانت جالسة شادة كتاب حطاه على رجليها كتحفظ فيه حتى سمعات تيليفونها صوناا شافت رقم الينا تبسمات و جاوبات
شهد: طاطا الينا صافا
الينا: الحمد لله حبيبتي و نتي و نجم الدين بخير
شهد: الحمد لله اطاطا
الينا: عرفتي ا شهد اليوم انا و منصور مشينا للطبيب لي قتليك و قالينا عندنا امل اننا انولدو (شافت فمنصور بحب)
شهد بالفرحة وقفات فوق السرير: يعني ايكون عندكم فنيكيش اححح اطاطا فرحت لييكم وا شفتي صبرتي و فلخر ربي جازاك و ايرزقك بشي تيتيزة بحالك نتي و خويا منصور
الينا كضحك: ههه لهلا يخطيك علياا اه الحمد لله
شهد: انا انقولها ل نجمي واخا
الينا: اك حبيبة منصور من بعد و يصوني ليه و تهلاي فراسك
شهد سيفطات ليها بوسة و قطعات كتنقز و تغني حتى عيات حيت الينا عزيزة عليها لدرجة كبيرة بزااف فهاد السنين عاملاتها بحال بنتها و كتر و تعلقو ببعضهم بزاف جلسات كتنهج شوية و خرجات كتجري من البيت طلعات لقات نجم جالس كيرشف من مشروبو و كيخرب ف البيسي شافها جات عندو كتنهج وقف مخلوع
نجم الدين كيتفحص وجها: مالكي كتنهجي
شهد كضحك: ههه طاطا الينا صونات ليا و قاتلي التحاليل طلعو ايجابيين و ان شاء الله عندهم امل انهم يولدو
نجم الدين حول التخنزيرة لابتسامة عريضة كتخليك حالة فمك: و اخيييرا منصور ايكون فرحان بزااف
جبد التيليفون من جيبو و دوز الخط لمنصور لي كان وصل لدارو فاش جا يدخل سمع التيلي ديالو شاف الرقم تبسم و جاوب
منصور: احم احم
نجم الدين: حمحم علياا تمااا مبرووووك عليكم فرحت ليك اصاحبي
منصور: لهلا يخطيك عليا و خلاص الحمد لله
نجم الدين: يعني اتولي اب بديك الطولة و التجريدة
منصور: مال حسك معجبتكش
نجم الدين كيضحك: لا لا عااجبني ههه
منصور: ههه وا هكاك حتى ترجعو و نديرو شي حفلة بيناتنا
نجم الدين: واخاا اصاحبي ياله سلم على الينا و قولها مبروك تهلا
قطع معاه حط التيلي فوق الطبلة و شاف فشهد واقفة متبسمة
نجم الدين خنزر فيها: كملتي حفاظتك
شهد بحزن: خليني غا رتاح انجم والله ماقديت راسي ضرني
نجم الدين بقات فيه: واخاا دابا انخليك غدا الصبااح تصبحي تحفظي منسمعش الاعذار
شهد: واخا انجم
نجم الدين: مبقاتش نجمي رجعتيها نجم
شهد كضحك: ههه نتا ديما نجمي ديالي (ببرائة) ولكن فاش تقلقني اترجع غير نجم الدين بوحدها
ضحك عليها و جبدها من حناكها باسها فيهم و شد فيديها هبط للمطبخ لي كاين فاليخت وقفو كيشوفو فبعضهم حتى نطقات شهد
شهد: ممكن نصايب انا العشا
نجم الدين: اك وجدي نشوف اش تعرفي ديري
خنزرات فيه حيت كيطنز عليها و جلس متبع ليها العين
يتبع...
VOUS LISEZ
💫جنون الليدر💫
Acciónحصرية على الواتباد 👑لحصريا ولأول مرة على شاشتكم 👑 #مكتملة .. قصة تحت عنوان 💫جنون الليدر💫 #حصريا قصة بنكهة خاصة ومخالفة على باقي القصص بحيت في أحداثها مقتطفات واقعية، كوميدية درامية رومانسية، العشق الهوس الجنون، البراءة، الخجل تفرشيييخ رجو...
