⚡️جنون الـلـيـدر⚡️
الفصل 1:كسر طغي الزعيم🖤
🦋جزء 50
طريق كلها شهد كدندن و كتشوف من السرجم فالضواو لي ماليين المدينة و الجو الزوين و السماء لي مالية بنجومها عجبها الجو بعد مدة قليلة وصلو للمطعم كان اونفاص للبحر بلاصا الطوموبيل و نزل و نزل شهد سد الطوموبيل بالمفتاح و تلفت لقا شاهد حالا فمها كان مطعم راقي و خاوي مافيهش الناس بزااف شدها من يديها و دخلو غير شافو الشاف د المطعم جا عندو بالخف تسالمو مع بعضهم و سلم على شهد و خداه لطبلة مطرفة طلب نجم الدين من الشاف شخصيااا زوج بيتزات بالكفتة و ليموناد ضحكو مع بعضهم و مشا يوصي شي سرباي يجيب ليه الطلب
شهد: واو نجمي بلاصة كتحمق عمرني شفت بحالها
نجم الدين: مم مزيان الش مكنتيش كتخرجي
شهد: لا انجمي (تلفتات بان ليها البحر) وااو فاش نسالي خودني للبحر عفاك واخا (شافت فيه ببرائة)
نجم الدين: وا حتى تاكلي بعدا
شهد بقات مصدعة ليه راسو بالهضرة حتى شوية وصلات الماكلة و صقرات كدوز لسانها على فمها غير حطها حداها حكاات يديها مع بعضهم باش تاكل عضات و هي تجيها سخونة
شهد: اي اي سخونة
نجم الدين مخنزر: صبري تبرد و كولي واش غادي تهرب
شهد طمرات و بقات كتسنى و كتسوط عليها حتى بردات و بدات كتاكل على خاطرها و تبنن مدة طويلة و هي تاكل حيت فمها صغير ههه كلات نص و شاط ليها نص شربات داك الموناضة و دوات
شهد: احح شبعت انجمي هدا قول ليه يديرو ليا فميكة اناخدو معايا للدار
نجم الدين ضحك بلهلا يطاريه ليه: واخاا اختي هههه (كيضحك من قلبو 🤤🤤🍻)
شهد : مالك انجمي كضحك ههه
نجم الدين: والو ساليتي
شهد: اه ساليت (مسحات فمها و شربات الما)
ناض نجم وقف و خداها معاه من يديها مشا خلص و طلب منهم بيتزا جديدة ياخدها معاه بقا جالس تما هو وشهد 15 دقيقة كانت واجدة عطاوها ليه خلصهم و توادع مع الشاف و مشا للطوموبيل حط داك الماكلة و شاف فيها بمعنى طلعي و هي توقف مربعة يديها
شهد: خودني للبحر عفاك
نجم الدين سد الطوموبيل بالزعفة و شدها من يديها غادي بيها للبحر و هي كتنقز لمحات واحد كيبيع الكلاص كرمات ليه تما
شهد: نجمي
نجم الدين شافها فين كتشوف مشا شرا ليها كلاص عطاها تاكل و هبطو للبحر طلقها من يديها و هو بقا واقف عامل يديه فجيابو و كيشوف فالبحر و امواجو الهادية و الهوا كيضرب فوجهو مخلي شعرو كيطير 🤤 اما شهد كتنقز حتى سالات لاكلاص مشات وجها مطلس تحنا مسح ليها بصبعو على فمها و هو كيسوط شافتو ايمسح صبعو و هي تشدو مصاتو بنت الحرام خلاتو مخنزر هز صبعو فوجها
نجم الدين: اخر مرة تعاودي ديريها
شهد: و واخا انجمي انا مبغيتوش يضيع و صافي سمحلي
نجم الدين خلاتو يضحك بلا خاطرو جبد كلينيكش مسح يديه
يتبع غدا ....
VOUS LISEZ
💫جنون الليدر💫
Actionحصرية على الواتباد 👑لحصريا ولأول مرة على شاشتكم 👑 #مكتملة .. قصة تحت عنوان 💫جنون الليدر💫 #حصريا قصة بنكهة خاصة ومخالفة على باقي القصص بحيت في أحداثها مقتطفات واقعية، كوميدية درامية رومانسية، العشق الهوس الجنون، البراءة، الخجل تفرشيييخ رجو...
