💫جنون الليدر💫

📜 part 15📜

⚡️جنون الـلـيـدر⚡️

الفصل 1:كسر طغي الزعيم🖤

🦋جزء 15

حتى حسات براسها تهزاات فيدين كبارين كان نجم الدين هزهاا من كرشها رجع اللور حتى طاح فالارض و هي فوق منو على ظهرها غير طاحو تلفتات عندو جلسات فالارض كتضحك من قلبها حتى ايسكت
شهد كضحك؛ ههههههه طحتي و طيحتيني معاااك ههه
نجم الدين مخنزر و كيلعن فخاطرو ناض جلس
شهد شافتو مخنزر حطات يديها على كرشو كتهرو
شهد: ضحك انجمي ضحك ههه
نجم كيحس بيدياتها على كرشو كتهرو و طلعات لعنقو كتهرو بقا كيعوج فعنقو و كيتبسم شدها من يديها كيحيدهم ليها ولكن هي غير مكتزيد تهرو حتى بقاا كيضحك بصوت خفيف و رجولي و سنانو المستفين غير شافتو ضحك توسعاات ابتسامتها
شهد: كتبان زوين و نتا كضحك انجمي متبقاش ديما مخنزر بحال هاكا (خنزرات ببرائة و دلات شفايفها)
نجم الدين بقا كيشوف فعويناتها الخضرين و متبسم حتى حس بخيال وقف عليهم كانت دالياا بصدرها مدلي
داليا محملاتوش يضحك مع شهد: الغدا واجد اموسيو
نجم الدين: اك سيري ها حنا جايين
مشات كتعوج فترمتها بالعاني هو مداهاش فيها نهائيا ناض وقف و وقف شهد من يديها و خلاها دخلات كتجري و هو مشا بخطواتو تقال دخلو جلسو على الطبلة شهد جلسات بالكشفة حيت قصيرة لقاو الغدا محطوط بداو كياكلو جات تجلس داليا بديك الفصالة الخامجة ديالها حتى خنزر فيها نجم الدين و جمعات الوقفة مشات للكوزينة حطات لراسها فطبسيل و بقات كتاكل و تلعن فحضها لمهلة قصيرة سالا الاكل و كيساين شهد تكمل حيت هي كتاكل على خاطرها حتى سالات غير عيط هو ل داليا تجمع الطبلة باش تغسل ميعنات على قلبها اما سيدهم الليدر مشا للجردة جلس كيكمي على خاطرو و كيدوي فالتيليفون و كيعبر بيديه و شهد حدااه كدور علييه حتى دوخاتو شدها من يديها بالزعفة و علا صبعو فوجها كينبهها حتى صقلاات رجع كمل مكالامتو و هي جلسات فالارض كتخرب فالارض
غي سالا موكالامتو جات داليا و فيدها قهوة سادة حطاتها لييه فوق الطبلة الصغيرة لي كاينة فالجردة
داليا: تفضل اموسيو نجم
نجم الدين هزلها راسو بمعنى شكرا مشات كتخف دخلات للكوزينة
داليا: فف كاع مامعبرني حتى شكرا مقالها كيف الناس يخخ
شهد مشات دخلات للكوزينة عند داليا:طاطي طاطي! عطيني نشرب
داليا مخنزرة: يخخخ
كبات ليها الما و مداتو ليه بجهد حتى طاح الكاس تشخشخ فالأرض ومعاه شهقاات شهد بفزع و داليا وسعات عنيها
داليا: يخخ واش عورة لمووك
نجم الدين سمع حس الزاج دخل للدار بالخف مشا للكوزينة لقا شهد قربات تبكي شافت فيه كادير براسها لا بمعنى ماشي انا علا راسو فدالياا مخنزر

داليا كتقفقف: موسيو نجم الدين س سمحليا راه مشداتوش مزياان و طاح
شهد بصوت باكي حيت تخلعات: نتي مديتيه ليا بالزعفة (شافت فنجم) والله
نجم الدين هضر مه داليا: هزي الزاج و نقي الدنيا لا تعفس عليه هادي
داليا: ا امرك اموسيو
نجم الدين خرج و خرج معاه شهد من الكوزينة خداها للصالون كانت تم قرعة د الما كب ليها الما و عطاها تشرب هي شربات و خايفة لا يغوت عليها غير سالات حط الكاس و خرج للجردة بلاما يعطي للموضوع أهمية.. تبعااتو شهد من موراه مكتبانش كاع قدام فصالتو اما داليا بقات كتجمع فالزاج و تنقي الدعوة و كتحلف ف شهد لي اصلا ما ذنبها والو

يتبع...