💫جنون الليدر💫
✒️
الفصل2: هوس الزعيم بالصغيرة الفاتنة♥️🖇
🦋جزء 69;
نجم الدين جلس حداها
شهد: بصحة
نجم الدين: الله يعطيك الصحة
بقات جالسة كتخرب ف التيليفون ديالها جابت ليه الفضول نترو من يديها و شافها داخلة لكروب كضحك مع صحباتها
نجم الدين مخنزر: شنو هدا
شهد سرطات ريقها: غ غير كروب دالبنات داخلة كنضحك معاهم
نجم الدين محافظ على تخنزيرتو: فيه الدراري ؟
شهد: ل لا انجمي غير البنات (بقات كدعي فخاطرها ميشوفش الكونطاكط لي داخلين حيت فيهم شي ماركة دراري دخلوهم دوك البنات ولكن هي مكدويش معاهم كدوي غا مع البنات)
عطاها التيليفون و جبد تيليفونو تكا كيخرب فيه و هي هكاك تاني كتخرب فتيليفونها و مرة كتصور مرة كادير اوديو لصحباتها
غرباات الدنياا علييهم شافو الساعة و ناضو وجدو راسهم باش يمشيو لعند الينا و منصور لي كيساينوهم نجم الدين لبس سروال و تريكو نص كم و فوقو فيست فالكحل جا يحمق اما شهد جبدات لباس فالغوز بيبي شوية طوييل حد الركبة و من الفوق نص كم كيبريي جاها كيحمق و طلقات شعرها و مرجعاه من مورا ودنيها طلعها نجم الدين و هبطها سحراتو بلباسها و تفاصيلها و برائتها هبطو لتحت هزات كاب فيديها و خرجو ركبو سيارتهم و توجهو لدار منصور و الينا غير وصلو نزلو لقاو باب الفيلا محلول دخلو متعجبيش من الناس لي كاينين شافو منصور و الينا جاو عندهم سلمو علييهم
شهد: الينا اش هاد الناس ههه
الينا: معرفة ديال منصور و حتى نجم الدين و شي وحدين صحباتي و رجالتهم عرضت عليهم
شهد: هه واخا
منصور؛ دخلو
دخلو لداخل شهد مشات مع الينا تعرفها على صحباتها و رجال تاعهم و لا لي مع خوها كلهم عجبااتهم اما نجم الدين مشا مع منصور يسلمو على معارفهم ولكن عينو على شهد دير هاك ولا هاك يذبحها بقاو مع بعضهم هكاك حتى مشا حدا شهد لي جاو كيباركو ليها حيت الينا علنات نجاحها للناس لي تما من بعيد جالس واحد الشخص عنيه سود كيشوف فيها و كيرشف من كاسو حتى حطو و مشا توجه ناحيتهم مد يدو لشهد
الشخص: مبروك علييك انسة شهد
شهد مدات يديها متبسمة: شكرا ليك
شاف فنجم الدين لي كيخنزر مد ليه يديه باش يسلم عليه ولكن نجم الدين خلاها معلقة
نجم الدين: متشرفين موسيو جاسر
جاسر بتعجب: اذن كتعرفني
نجم الدين: اه كنعرفك نتا واقلة لي مكتعرفنيش
جاسر ركب فيه الرعب من ديك الشوفة طول فيه الشوفة و مشا خرج من باب الفيلا هو كااع
شهد: مالك خليتيه معلق حشومة عليك
نجم الدين: اتسكتي ا شهد
شهد قطعات الحس و شداتو من يديه مشاو عند منصور و الينا
يتبع...
VOUS LISEZ
💫جنون الليدر💫
Acciónحصرية على الواتباد 👑لحصريا ولأول مرة على شاشتكم 👑 #مكتملة .. قصة تحت عنوان 💫جنون الليدر💫 #حصريا قصة بنكهة خاصة ومخالفة على باقي القصص بحيت في أحداثها مقتطفات واقعية، كوميدية درامية رومانسية، العشق الهوس الجنون، البراءة، الخجل تفرشيييخ رجو...
