💫جنون الليدر💫
✒️
الفصل2: هوس الزعيم بالصغيرة الفاتنة♥️🖇
الاجــزاء الاخـيـرة🧡🌺
🦋الجزء 123;
خرجو من المول ركبو سيارة متوجهين لمول لي كيتباعوا فيه الملابس الداخلية و الكساوي ديال الحفلات مدازش بزااف د الوقت ووصلوا هبطوا دخلو للمول ستاقبلاتهوم واحد البنت شقراء بابتسامة.
البنت: مرحبا .
الكل:(بادلوها الابتسامة و دخلوا للداخل)
بداو كيستيو داكشي لي غيديو هزات الينا دوبييس فالحمر و فالكحل و البيض.
الينا: غناخذو هاد الالوان حيت هما لي كيعجبوا الرجال(تبسمات للوجين.)
لوجين(حدرات راسها).
الينا: بلاما تحشمي احبيبتي داكشي عادي (كتقلب على شهد بعينيها)
حتى لمحاتها واقفة كتشوف فواحد الكسيوة قصيرة حد الفخاض و صدرها معري توجهات لعندها.
الينا: لاش واقفة هنا؟
شهد: عجباتني الكسيوة(عيطات على ديك البنت عطاتها ليها و دخلات قيساتها و خرجات عندهوم)
شافتها الينا مخرجة عينيها.
الينا: واش هادي لي غتلبسي شوفي كيف معرية ايخاصم عليك نجم الدين.
شهد(هزات كتافها بلا مبالاة) ماشي شغلي انا عجباتني غنديها .
الينا: على الاقل حيديها حتى نوصلوا للدار.
شهد:تت غنلبسها من هنا غنلوح عليا كاب و صافي.
الينا(حركات راسها بلا حول ولاقوة الا بالله) خذاو داكشي لي خاصهوم من الملابس الداخلية و الماكياج و داكشي لي غتحتاج لوجين خلصوا البنت و خرجو من المول متوجهين لعند الكوافورة مدازش بزااف د الوقت ووصلوا دخلوا لعندها ستقبلاتهوم سبقات بلوجين قادات ليها الماكياج و صاوبات ليها شعرها جات فنة كتحمق و تبعتها الينا و شهد من بعد ما قادوا الماكياج خرجوا ركبوا فاللوطو متوجهين للدار.
عند الرجال من بعد ما خرجوا عند الكوافور توجهوا للمول خذاو كوستيمات راكوم عارفين الرجال مكيتعطلوش ماشي بحال البنات توجهوا للدار كيساينوا فالبنات .
نجم الدين: بحال الا تعطلو.
منصور(بمزح): راك عارف العيالات ديما معطلين ههه
بقاو كيضحكوا حتى سمعوا صوت اللوطو واقفة حدا الدار.
ثائر: غيكونوا جاو.
ناض ثائر حل الباب تلاقات عينيه نيشان مع عينين لوجين حمقاتو جات فنة بداك الماكياج بقا حال فمو حتى قرصاتو شهد .
شهد(وشوشات ليه فوذنو) خويا ثائر جمع فمك الموت كدور .
عاد وعا على راسو حل ليهوم الباب دخلوا .
نجم الدين شاف فشهد و شاف الكسيوة لي لابسة المعري كثر من المغطي صعر تقدم لعندها خلاهوم حتى مداها فيه حتى واحد كل واحد ملهي مع مرتو جرها من يديها زير عليها و طلعها للبيت الفوق لاحها فوق الناموسية و سد الباب بالساروت .
نجم الدين(كيفرك فشعرو و كيحك لحيتو باعصاب مبغاش تجي فيها شي دقة و لكن تفكيرو انو كولشي شافها بديك الكسوة كيبغي يحماق تقدم لعندها شدها من كتفها زير عليها) اش هاد الكسوة لابسة ممم دوي عاجبك الحال ؟ بغيتي يشوفو لحمك (غوت ) دوي
شهد(طاحو دموعها ) اااههههئ نجم كضرني فكتفي . انا غير عجباتني الكسوة و خذيتها.
نجم الدين(نتر يديها وضرب يديه مع الباب) واش راكي عارفة اشنو لابسة كون غير حيتيها عاجبك الحال يشوفوا فيك الز***وامل بهاد اللبس دوي.
شهد(لمحات يديه زرقة) نجم يديك.
نجم الدين: و نتي مالك حيدي هاد النم لي لابسة دابااا.
شهد(شدات ليه فيديه كتقلبها و كتبكي شافها فديك الحالة جبدها لعندو و عنقها) ششت متبكيش غتخسري الماكياج ديالك (حيدها عليه مسح ليها دموعها).
يتبع...
VOUS LISEZ
💫جنون الليدر💫
Actionحصرية على الواتباد 👑لحصريا ولأول مرة على شاشتكم 👑 #مكتملة .. قصة تحت عنوان 💫جنون الليدر💫 #حصريا قصة بنكهة خاصة ومخالفة على باقي القصص بحيت في أحداثها مقتطفات واقعية، كوميدية درامية رومانسية، العشق الهوس الجنون، البراءة، الخجل تفرشيييخ رجو...
