💫جنون الليدر💫

📜part 46📜

⚡️جنون الـلـيـدر⚡️

الفصل 1:كسر طغي الزعيم🖤

🦋جزء  46

صباح الصباح فاق الليدر هو اللول كيتكسل لقا شهد باقي ناعسة خلاها و مشا دخل للدوش قضا حاجتو و طرف حالتو خرج بدل حوايجو و هبط للكوزينة كيوجد الفطور اكيد ليه قهوة و ل شهد حاجة اخرى بلا منشهيكم ههه سالا التوجاد و حط كلشي فوق الطبلة كيساين القطيطة تهبط ولكن غير بدا كيحط بانت ليه هابطة من الدروج و كتحك فعنيها
شهد: صباحو نجمي
نجم الدين: صباحو غسلتي وجهك
شهد: اه انجمي غسلت غير شوية باش منقيصش الضربة لي فراسي
نجم الدين: مزيان ياله جلسي

جلسات فالكرسي بالكشفة حيت قصيورة هه و هو كب ليها الحليب فكاس و مد ليها الماكلة و خلاها تاكل على خاطرها فحين هو كيرشف من قهوتو و كينقب حتى سالا دغيا و هي باقي كتاكل بقا حاط يديه تحت ذقنو و حاضيها حتى سالات و مسحات فمها و شربات الما و بقات كالسة كضرب برجليها نجمي ناض جمع ميعنات و دوز عليهم و رتبهم فمكانهم و رجع عندها هبطها من الكرسي و طلع الفوق و جرها معاه حطها على السرير و مشا للبلاكار جبد علبة الاسعافات و توجه جلس حداها
شهد: شنو هادا
نجم الدين: انبدل ليك الفاصمة و نعقم ليك الضربة
شهد بخوف: لا لا انجمي غير خليها اناا هاكا بخير
نجم الدين: راه ميمكنش تبقاي بفاصمة واحدة كوني تسمعي للهضرة
شهد: مابغيتش انجم صافي خليني

الليدر دابا ايحول لليدر حيت مكيحملش لي يعصي امرو واخا فحاجة بسيطة نطق بنبرة عالية تزرع فيك الخوف: اتجلسي واخا مغتجلسيش انتفاهم معاااك ا شهد
شهد خلعها طمرات و ربعات يديها و دموع فعنيها: و واخا
نجم الدين مد يدو حيد ليها الفاصمة و هي مغمضة عنيها حيدها ليها بان ليه الخيط باقي جديد بزاف تنهد و مد قطنة فيها بيتادين حط ليه على الجرحة كيمسحها تقصحات شوية حطات يديها الصغيورين على يديه
شهد بنبرة بكاء؛ ب بشوية عفاك
نجم الدين بقا كيمسح ليها بشوية و جاب فاصمة جديدة دارها ليها و هاهو سالا
نجم الدين: ساليت المرة جاياا فاش نقوليك نبدلها ليك اطمري و تجلسي
شهد مقلقة: واخاا صافي
ناض نجم الدين خدا العلبة لبلاصتها و رجع قاد الفراش و شهد واقفة حتى صونا ليه التيلي كان الخطاف نجم الدين جاوبو
الخطاف نطق: ماي ليدر شريك جديد كاين فالديبو كيتسناك
نجم الدين: هانا جاي دابا (قطع معاه)
شد شهد من كتفها و هبطو خلاها مفاهمة والو طلعها فالطوموبيل دار ليها السمطة و رجع هو ركب و كسيرا متوجه للديبو 🔥

يتبع...