💫جنون الليدر💫

📜part 52📜

⚡️جنون الـلـيـدر⚡️

الفصل 1:كسر طغي الزعيم🖤

🦋جزء  52

تقدم بخطواتو باتجاههوم حنحن
عيسى: سلام الله اعاونكوم
منصور(علا فيه عينيه): عليك السلام.
نجم الدين(شاف فيه بنص عين): تفضل كلس.
ريح فالكرسي حداهوم جا الخطاف جاب ليهوم القهوة فكيسان و هشا لخدمتو
نجم الدين:(حنحن كيرشف من قهوتو): ندويو فالمفيد دابا
منصور(شاف فعيسى): موسيو عيسى الايوبي نتا باغي تكون شريك نجم فالخدمة و بطبيعة الحال هادشي كيشرفك و قبل ما نوثقو بهاد الشركة انسولك شي اسئلة بساط
عيسى(توتر كيفرك فيديه و لكن مبينش ليه): واه سول ليا شرف اني نتعامل مع سيادتكم و نكون شريك معاكوم فالخدمة.
نجم الدين(غير كيشوف و ساكت)
منصور:(هاز ستيلو فيديه كيدوروا على صباعو) ممم كوليا اسي عيسى من امتا و نتا خدام فهاد المجال؟
عيسى(توتر): احم احم انا الصراحة بديت كنتاجر فالمخدرات شي عامين هادي تقريبا و كنت كنتعامل مع شركاء ممعروفينش فامريكا حتى سمعت بأنو موسيو نجم الدين تاجر معروف و ناجح فهاد الميدان و قررت اني نكون شريك معاه و نتبادلوا السلعة مبيناتنا.
منصور(حط داك ستيلو و فيكسا عينيه فعينو): كنضن اني سولتك من امتا و نتا خدام فهاد المجال ماشي علاش ختاريتي تكون شريك(شاف فنجم الدين)نجم الدين.
عيسى(حس بالحرارة و ذاتو سخونة عليه خاف لا يعرفو ): راني قلت ليك عامين .
نجم الدين: بون مدام عندك تجربة ديال عامين فكنقبل انك تكون شريكي فالخدمة و كنتمنى متخيبش ضني فيك. مم حسن ليك (غمزو)
عيسى(فرح و رتاح بحالا كان فشي حرب و تسالات صافحو ): ليا الشرف موسيو نجم (جبد من بزطامو كارط فيزيت مدها ليه) هادي نمرتي و قتما بغيتي نبداو فالخدمة تاصل بيا.
نجم الدين(بنصف ابتسامة): ان شاء الله
خرج من عندهوم و ركب فاللوطو ديالو .
منصور:(معصب): واش من نيتك از*بي وافقتي بهاد البساطة.
نجم الدين(ببرود): انا ماشي غبي باش نوافق بكل بساطة خاصني نعرف اش تحت راسو.
منصور: بون حتا انا بان ليا متوتر فاش سولتو باش نتأكد خاصني نتبعو و نعرف.
نجم الدين: اه فكرة مزيانة.
خرج منصور من الديبو و ركب فموطور و تبع عيسى ....

يتبع...