💫جنون الليدر💫

📜 part 14📜

⚡️جنون الـلـيـدر⚡️

الفصل 1:كسر طغي الزعيم🖤

🦋جزء  14

مشات شهد كتجري تاكل عطاتها خبز فوسط منو الشكلاط و كاس د العصير كلات حتى شبعاات و خرجات من الكوزينة مشات للجردة كتلعب و تنقز غير بوحدها و دندن بصوتها الطفولي اماا داليا وجدات الماكلة و خلاتها حتى يجي الليدر خرجات من الكوزينة بانت ليها شهد كتلعب خنزرات فيها و خرجات حتى هي للجردة جلسات فالكرسي و جبدات التيليفون من صدرها و دوزات الخط و هي كتشوف فظفرانها حتى جاوباتها
داليا: هاي الزين
البنت: أهلا ايوا كيف جاتك الخدمة الجديدة
دالياا: مم مابيهاش يا ختي مول الدار كيحمق تشوفيه تسخفي
البنت: و سخفتي ولا  باقي
داليا: تفو مالك مكلخة زعما زوييين مال مك
البنت: مم فهمنا ايواا شحال ايبقا يخلصك
داليا: باقي مقالي مكرهتش يخلصني بشي ليلة معااه
البنت: ياا بردي مكذبوش لي قالو عمر الشيخة  متنسا هزة الكتف تبتي مالك
داليا: متبتة الخرا ولكن وحدة دايرة ليا القوق ا ياسمين
ياسمين؛ كيفاش
داليا شافت فشهد: واحد البرهوشة كنقابلها مكتقاداش
ياسمين: خخ باز لييك
داليا: صابرة عليها و صافي
بقات كتهضر فالتيلي هضرة كتجيب هضرة و النميمة ف عباد الله حتى لمحات نجم الدين داخل من الباب الكبيرة قطعاات الخط و مشات كتجري للكوزينة دارت راسها كتخدم حتى دخل للكوزينة مخنزر
نجم الدين: فينها هاديك
داليا بتحلوين:أأ شهد راها فالجردة ا موسيو نجم

الليدر مخنزر خلاها بلاما ميرد عليها و خرج للجردة تقدم عند  شهد لي كانت كتلعب غير شافتو واقف كيشوف فيها مخنزر مشات عندو كتجري شداتو من يدو و هي فرحانة
شهد كتجرو و هو واقف بحال الحجرة: ياله تلعب معاياا
نجم الدين: سيري لعبي مع لي قدك
شهد بحزن؛ مكانش هنا لي قدي حتى طاطا لي للداخل مكتبغيش تلعب معاياا
نجم الدين تحنى عندها؛شنو بغيتي تلعبي
شهد وسعات عنيها: يايي تلعب معايا لعبووو القطة و الفارة انا فارة و نتا (حطات يديها على صدرو) القط انجري من مورايا و تشدني
نجم الدين مخنزر: انا قط !
شهد ببرائة: اه (مشات كتجري) يااله شدني ياااله ههه
نجم الدين ناض وقف كيسوط و مشا متوجه عندهاا كيخف و هي كدور ليها تماا
شهد؛ جري شدني ا نجمي الى مشديتينش اتخسر
نجم الدين فاخر يامو ولا كيلعب مع البراهش بقا كيخف عندها و هي غير كتجري و تضحك حتى بدا كيزيد يجري عليها و هي تفلت ليه بقات كدور على لابيسين و هو من موراها كيجري بشوية على قد جريتها بقات كتضحك بجهد و كادور حتى حسات براسها تهزات

يتبع...