💫جنون الليدر💫
الفصل2: هوس الزعيم بالصغيرة الفاتنة♥️🖇
🦋جزء 63:
جلس متبع ليها العين
شهد جبدات داك الشي لي تحتاج قشرات بطاطا و حكاتها صفاتها بالما ديالها و فقصات فوقها البيض و دارت فلفلة و ملح و كامون و تحميرة و خلطاتهم و خواتها فالمقلة لي كتسخن طيباتها من جيهة و عاودات ليها للجيهة لاخرا حتى طابت و جابت فرماج حكاتها عليها جات كتشهي🤤 دارتها فطبسيل و بقات كتقطع ليها و لنجم الدين حطاتها و حطات العصير و جلسو كياكلو نجم الدين جاتو بنينة بقاا كياكل و يغمض عنيه باش يستبن داك الماكلة ههه شافتو و تبسمات
شهد: ودابا شنو
نجم الدين: مزيان مزيان مبيهش
بقاو كيضحكو مع بعضهم حتى سالاو الماكلة ناضت جمعات الماعن و توجهات للبيت هي و نجم الدين جلسات على طرف السرير كتختش فرقبتها حيت عيات
نجم الدين كان متكي: اجي تكاي رتاحي
حيدات الصندلة و تكات على يديه ولفات هاد النعسة هو بقا كيخرب فالتيلي ديالو حتى غفا حتى هو
💔💔فنص الليل ناضت شهد بسبب الحريق لي كتحس بيه تحت كرشها غير حلات عويناتها بقات كتبكي و تشهق و تزير علي كرشها و جامعة رجليها عندها كتحس بالم فظيييع حتى حس بيها نجم فاق حل عنيه شاف دموعها ناض بالخف
نجم الدين بخوف؛ مالكي اشهد
شهد كتبكي و تهضر بزز: كنحس بالحريق كيقطعني اهئ
نجم الدين تخلع بزااف ناض معرفش اش غيدير حتى لمح الدم على ليزار تنهد بأسف عرفها ليغيكل دايرة ليها هاد الحالة فاش كتجيها كتقطعها كتجيها الدوخة و الترويعة و كلش مسكينة كيتخلط عليها
تحنا باس ليها راسها و نطق بصوت كيبورش؛ شهد عندك الفوطة الصحية هنا
شهد: ا اه
ناض جبد ليها اولويز و سليب و قبية ديالو سخووونة و رجع عندها وقفها بزز دخلها للطواليط عطاها تبدل حوايجها طرفات بالما سخون بزز و هي كتبكي السم الحريق كيقطعها فكرشها حطات حوايجها فالما سخون و خرجات لقاتو بدل ليزار د الناموسية شافها مشا كيجري شدها و نعسها و غطاها باسها على راسها و عيونو فيهم خوف كبير واخا عارف ليغيكل ولكن قلبو كيتقطع منين كيشوفها موجعة تكا حداها
نجم الدين: نصايب ليك شي حاجة سخونة تشربيها
شهد كتهضر بزز: ل لا مبغيت والو قلبي مروع اهئ
تكا حداها حسها كترجف زاد غطاها مزياان واخا هكاك بقات كترجف و تزير على كرشها تخشا حداها تكاها على صدرو الفولاذي تخشات فييه كتزير عليه باش تحس بالدفئ لي ديما محسسها بيه من صغرها الحضن لي كترتاح فيه لي كتحسو الامان و الامن ديالها بقا مزير عليها و كيسوط باش يجيها الدفا و كيبوس على راسها بقات كتزير عليه فيديه
نجم الدين بصوت حنين: ايفوتك اشهودتي شنو ندير دابا هم غير قوليلي
شهد: و والو انجمي ايفوتني
نجم الدين حاير بزااف معرف مايدير كيلعن فهاد لي غيكل لي كتقطع فصغيرتو ولكن مكان مايدير بقا خاشيها فيه و كيبوس فراسها و هي مخشية فيه و كتزير عليه و انفاسها كيحسهم سخونين طلعات معاه السخونية قبلها فجبينها و نفض الافكار لي كتجيه فراسو
يتبع...
VOUS LISEZ
💫جنون الليدر💫
Actionحصرية على الواتباد 👑لحصريا ولأول مرة على شاشتكم 👑 #مكتملة .. قصة تحت عنوان 💫جنون الليدر💫 #حصريا قصة بنكهة خاصة ومخالفة على باقي القصص بحيت في أحداثها مقتطفات واقعية، كوميدية درامية رومانسية، العشق الهوس الجنون، البراءة، الخجل تفرشيييخ رجو...
