💫جنون الليدر💫

✒️part 76✒️

💫جنون الليدر💫

الفصل2: هوس الزعيم بالصغيرة الفاتنة♥️🖇

🦋جزء 76:

ركب منصور سيارتو و توجه لمخفر الشرطة فطريقو افكار كتديه و تجيبو محليتو لنجم الدين لي تشد ما حليتو لشهد تخطفاات.
منصور(ضرب بيدو على الفولون): اععع فاااك اش هاد النهاار تفووو
مدازش بزااف د الوقت ووصل لمخفر الشرطة هبط من اللوطو نتاعو دخل نيشان فطريقو تلاقا مع واحد سيكيريتي سولوا على المكتب نتاع طارق(البوليسي) نعت ليه تقدم بجهة المكتب علا عينو بانت ليه واحد اللافتة فوق الباب مكتوب فيها الضابط طارق دق فالباب حل ليه.
طارق:(نعت ليه بيديه) تفضل كلس اش تما؟
منصور(كفر بالبيان و صاعر حاول اتحكم فراسو) شوف موسيو طارق راه ضروري تطلق صراح نجم الدين مسألة حياة او موت ميمكنش تحبسو عندك بلا تا شي دليل.
طارق(مخنزر نطق ببرود): هاد الامر تصدر من النيابة ماشي انا لي قررت نشدو غناخذو افادتو و ديك الساعات يمكن ليه يمشي.
منصور: (على اعصابو) واش ما يمكنش يخرج اليوم؟؟؟
طارق(تكا على الكرسي و ربع يديه) مع الاسف نو ميقدرش اخرج كيما قلت ليك حتا ناخذوا اقوالو.
منصور ناض من بلاصتو و الدم طالع ليه مبقاش عارف اشنو يدير صافحو و تبسم ليه بزز و خرج من المكتب ديالو دور وجهو على اليمين و هو يبان ليه مكتب المفوض(رئيس الضباط)
تقدم لجهة المكتب دق حل ليه.
منصور: سي المفوض شديتو عندكوم نجم الدين الجعفري بلا تا دليل واش ما يمكنش اخرج اليوم.
المفوض(كرشو سابقاه باينة فيه طماع نطق بصوت خشن) نو حتا دوز 48ساعة ونتأكدو انو مداير. والو عاد ايخرج.
منصور بنبرة غضب ولكن حاول يتهدن: بغيت صاحبي يخرج داابا وانا انعطيك 2 د المليون .
المفوض(سمع حس الفلوس خرجوا عينيه وفنفس الوقت خايف كيعرف هاد الطبقة داليدر كيبقاو تا يفديو) بون واخا صافي امكن ليك تخرجوا ولكن منضمنش ليك مرة أخرى
جبد منصور شيك من جيبو فيه قيمة 2 د المليون جابوا معاه كاحتياط باش ملي ميبغيوش اخرجوه اعطي كفالة
عطاه الشيك و خرج لبرا كيساين امتا اخرج.
المفوض عطا اشارة للحارس لي مكلف بالزنزانة لي فيها نجم الدين  مشا هو فتحلو و خرجو.
خرج نجم على برا ما فاهم والو كيفاش قدروا اطلقوه فرمشة عين لمح منصور كيساينوا عارف القضية فيها إن
تقدم لعندو يلاه بغا ينطق و هو يسمع صوت من موراه.
طارق:(شاد فجنابو و معصب) موسيو نجم الدين الجعفري نتلاقاو من بعد (غمزو)
نجم الدين(تبسم باستهزاء حيت ما عندو حتى دليل على الهضرة لي كيقول كتافا انو يشير ليه بيديه و ركب فاللوطو د منصور)

يتبع...