⚡️جنون الـلـيـدر⚡️
الفصل 1:كسر طغي الزعيم🖤
🦋جزء 30:
وصل الليل🥂
بقا نجم الدين خدام من الدار وكيحاول يوصل لزعيم الخونة.. وفنفس الوقت كيتسنا شهد تفيق وهو فرااسو كيفكر كيفاش غتكون ردة فعلها فاش تفيق وهو كيفكر سمع غوااتها
حط كلشي من يديه ومشا كيجري عندها .. بانت ليه كتهضر فنعاسها وكتهلوس بشي كلاام
شهد كتهلوس:أهئ ماما بابا بغييت ماما غيقتلني
نجم زير على قبضتو ومشا بسيف علييه قرب ليها كيفيقها.. خسرات ملامح وجهها و حلات عينيها ما تجي غا فنجم شاافتو وهي تغوت كتر وبدات كترجع باللور
شهد:أععع بعد مني فين هي طاتي إلينا أهئ بعد مني
نجم محملش هاد الموقف قرب عندها شدها من كتافها الصغار ومخضها: متبقاايش تغوتي هاكا أنا مغنآديكش
شهد:لا نتا قبيح
نجم غوت:سكتي
شهد خلعها بدات تبكي فصمت غي دموعها لي هابطين .. هو شافها هكاك زفر عرف راسو غوت عليها هو مشكلتو. مكيعرف يفرق ما بين الكبير ولا الصغير كيدير نفس التعامل..
شاف تا عيا وجرها عندو مزير عليها
نجم:أشش متبكيش صافي متخافيش مني مغنآديكش
شهد:أهئ نتا خايب قلتي ليا قتلتي ماما واش بصح ياك نتا غي كضحك معايا
بعدها عليه وشاف فيها بجدية
نجم:أووش شوفي انا نعلمك واحد الحاجة علينا حنا الكبار
شهد حركات راسها: اه
نجم:أمم دابا نتوما الصغار فاش كتغلطو كنضربوكم ياك ولكن حنا الكبار فاش كيغلط شي واحد فينا كنمحيو زام*.(حبس)أحم زعما كنضربووه بزااف و مكيصبرش و كيمشي للجنة (فخاطرو*لجهنم) فهمتيني؟
شهد فهمات غا بزز: ودابا ماما وبابا غلطو
نجم برضى:اه تماما
شهد ببرائة:صافي غي رجعهوم رجعهووم ومبقاوش غيغلطو
نجم حك على راسو بقلة حيلة وقال فخاطرو*هاد الدراري صغار شحال فهمهم تقيل * شاف فيها وعاود نطق
نجم:ميمكنش نرجعهم
شهد بأسى:علاش
نجم:شوفي نتي غي متبقايش ديري البسالة ومتبقايش تسولي عليهم (قرب لودنيها نطق بهمس كيبورش ) غنخليك تنسايهم
شهد شافت فيه مطولا تاقت بيه ونطقاات:فيا الجوع أنجمي
♥في مكان آخر♥️
فڤيلا من الشوفة فيها كتحس بالخلعة ..ڤيلا غامضة
جالس شاب فمقتبل العمر بلباسو الأسود فمكتب وحاط قدامو عدة أسلحة ومخدرات.. كيشوف فالكارد لي قدامو بحدة
*:كمل أش درتو من بعد
الگارد:مقدرنا نديرو والو أسيدي نتا عارف داك الليدر الحراسة عندو مشددة
* قاطعو وبتاسم بإستهزاء: الحراسة هه النص لي معاه خونة.. دابا كمل ليا أش دار فعتمان
الگارد حنا راسو:قتلوه
* بصدمة؛كيفاش أش كتخور ميمكنش يقتلو واش متأكد
الكارد بأسى:شفنا رجالو ملي لاحو الجتة تاعو
** زير على فكو وضرب على المكتب:أععع غندموووو
الگارد هاز الهم لهاد الحرب لي غتكون بين الليدر والزعيم تاعو .. هاد الحرب لي غيبقا فيها واحد منهم عايش وخصوصا دابا الزعيم تاعو مغيصبرش من بعد ما قتل ليه الليدر يدو اليمنى ..غيولي يفكر فالإنتقام..
الگارد:السي رغد واش نردوو عليه
رغد بحقد:ضروري من الرد
# يتبع غدا...
هاني تهليت فيكم وريوني حنة يديكم .. إشهااراااات البنات ❤
VOUS LISEZ
💫جنون الليدر💫
Actionحصرية على الواتباد 👑لحصريا ولأول مرة على شاشتكم 👑 #مكتملة .. قصة تحت عنوان 💫جنون الليدر💫 #حصريا قصة بنكهة خاصة ومخالفة على باقي القصص بحيت في أحداثها مقتطفات واقعية، كوميدية درامية رومانسية، العشق الهوس الجنون، البراءة، الخجل تفرشيييخ رجو...
