💫جنون الليدر💫

📜 part 41📜

⚡️جنون الـلـيـدر⚡️

📜

🦋جزء 41

نجم الدين بغا ينسيها باش متبقاش تفكر فديك الضربة لي ضربات فجبهتها تحنا لعندها و شاد ليها فيديها الصغيورين.
نجم الدين:ممم شبان ليك نلعبو شي لعبة؟
شهد(فرحانة و الضحكة ترسمات على وجها): اه انجمي انا غنتخبا و نتا قلب عليا صافي.
نجم الدين:(بتاسم): واخا غنبدا نحسب حتال 10 و نتي تخباي دغيا.
شهد(فرحانة و مأت ليه براسو): واخا انجمي نتا بدا تحسب و انا غنتخبا.
نجم الدين(ضرب فكفها ): تافقنا يلاه سيري دغيا.
دار للجهة لخرا غمض عينيه و بدا كيحسب حتال10 .
شهد une fois شافتو دار مشات تخبا دغيا طلعات لبيتو و حلات البلاكار د حوايجوا و تخبات وسطهوم.
نجم الدين حس بالصقيل و الحس.
نجم الدين(فخاطرو غتكون تخبات) بدا كيقلب عليها ملقاهاش قلب فالدار كولو.
نجم الدين:ممم ولايني ذكية (تفكر بلاصة وحدة مقلبهاش هي بيتو).
طلع فالدروج و كيغوت و كيضحك فنفس الوقت.
نجم الدين: انا جاي ليك اشهودتي غادي نلقاك انا جااي هههه تخباي مزيان.
حل الباب د البيت دخل قلب تحت الناموسية ملقاهاش قلب فالدوش ملقاهاش.
حل البلاكار د الحوايج.
و هو يبانو ليه رجيلاتها كيبانو من تحت حوايجو.
نجم الدين(تبسم): ههه لقيتك .
حيد الحوايج و بانت ليه مكمشة و حابسة الضحكة.
تحنا لمستواها هزها كيدور بيها و هي كضحك.
نجم الدين: ههههه لقيتك الفنيكيشة دياالي اجي .
شهد(كضحك): ههههه نجمي صافي هبطني هههههه.
هبطها حطها فوق الناموسية بدا كيهرها فكرشها و ضحكاتها تعلاو فالبيت .
هذا هو الليدر لي قدرات بنت صغيرة و بريئة بعيدة على عالمو الاجرامي  تخلي قلبو يرطاب فرمشة عين معارفش امتا و كيفاش ولات عزيزة عليه و كيحسها بانها من داك النهار ولات حاجة كتخصو لقا راحتو معاها و كيحاول يخليها تعود عليه
نوضها من فوق الناموسية.
نجم الدين: شبان ليك نمشيو نتساراو ممم.(شد ليها فحنيكاتها الحمرين ).
شهد:(باستو فخذو): واخا انجمي .
نجم الدين: ولكن انمشي نشوف الخدمة هي اللولة من بعد نمشيو فينما بغيتي تافقنا .
شهد(حركات راسها بمعنى تافقنا و بتاسمات).
نجم الدين:(شار ليها لخذو): يلاه عطيني بوستي.
شهد(كضحك و حاطا يديها على فمها عجباتها الطريقة باش كيتعامل معاها و ولات متعلقة بيه و عزيز عليها باستو فخذو): ها هي انجمي .
نجم الدين(دار راسو مقلق): لا بغيتها تكون كبيييرة (و دار حركة بيديه)
شهد تحنات على ركابيها و دورات يديها الصغيورين ورا عنقو و شدات وجهو بين يديها الصغيورين و حطات شفايفها الكرزين على خذو و باستو بالجهد حتا حمرات ليه ديك البلاصة.
نجم الدين حيدها عليه حيت شافها لصقات فيه.
نجم الدين: صافي يلاه نمشيو (و تبسم)
هزها خرجوا من الدار  و كسيروا نيشان للديبو.

يتبع...