💫جنون الليدر💫

✒️part 114✒️

💫جنون الليدر💫

الفصل2: هوس الزعيم بالصغيرة الفاتنة♥️🖇

🦋الجزء 114;

حس بيها حشمات ناض متبسم توجه للدوش
دوش و طرف حالتو وخرج لاوي الفوطة على نصو لمح شهد كالسة فوق الناموسية كتخرب فتيليفونو تقدم لعندها حيد ليها التيليفون من يديها حطو  فوق الناموسية و نزل لمستواها حط يدو على خذها
نجم الدين(شعرو كيقطر بالما و عضلاتو بارزين و الوشام مغطي النص فصدرو) كنواعدك انو من اليوم غنتهناو من المشاكل .
شهد(هزات فيه عينيها و انفاسو كيضربو فوجهها حطات يديها على يدو بحشمة) ان شاء الله كولشي ايفوت.
ناضت و جبدها من يديها حتى تصطحات مع صدرو العريض.
نجم الدين(حط فمو فعنقها) فين غادا ممم؟
شهد(حسان بالحرارة سرطات ريقها) احم احم انمشي ندوش .
نجم الدين(مسخاش يخليها تمشي ) ممم واخا سيري
بتاسمات ليه و توجهات للدوش قلبها كيضرب بالجهد . لبس نجم حوايجو و نشف شعرو هبط للكوزينة قاد الماكلة لي هي عبارة على كغاتان بالبطاطا قاد كولشي فوق الطابلة و كلس كيساين شهد تهبط.
شهد من بعد ما دوشات و طرفات حالتها لبسات كسيوة قصيرة حد الركبة فالكحل نشفات شعرها لاحت عليها كاب و هبطات لعند نجم . لمحها غادية باتجاهو تبسم ليها ناض جر ليها الكرسي حتى ريحات بداو كياكلو فصمت و مرة مرة كيتبادلوا النظرات سالاو ماكلتهوم جمعات شهد المواعن كتغافر مع يدها غسل نجمي الماعن حيت هي متقدرش و كيمد ليها قادتهوم فالشبكة سالاو و شد ليها فيديها و طلعوا للفوق بقاو كالسين مجمعين حتى بدات شهد كتحس بالنعاس.
شهد: نجمي فيا النعاس.
نجم الدين(شدها من خصرها تكاها فوق يديه و تخشا حداها و بقا كيطبطب على ضهرها) يلاه نعسي.
شهد(تبسمات ليه) وضورات يديها ورا عنقو غمضات عينيها كتحاول تنعس و لكن مقدراتش بقات كتحرك شحاال.
نجم الدين(عاقد حواجبو) مالك؟
شهد: ممرتاحش فالنعسة.
نجم الدين(جر الغطا و غطاها قربها لعندو دور يديه ورا خصرها بدا كيحك لحيتو مع وجها وهي كضحك)
شهد: هههه نجمي مديرش هكاك.
نجم الدين(شاف فيها باسها فعينيها و بوسة فخذها جبدها لعندو زير عليها ).
شهد نعسات فراحة تامة حس بيها نعسات غمض عينيه حتى هو و غفاو فالنوم.

يتبع...