💫جنون الليدر💫

📜part 9📜

⚡️جنون الـلـيـدر ⚡️

الفصل 1:كسر طغي الزعيم🖤

🦋جزء; 9
قطع نجم على منصور و توجه لعند شهد لي باقا مكمشة فالمانطة و كترمش..
نجم بنص شوفة:فيك الجوع مم !
شهد:(طلعات عينيها الزرقين كتشوف فيه و باقا كضرب برجليها) اه فيا بززاف(و كتحرك يديها الصغيورين).
نجم : (مد ليها يدو وشداتها بيدها الصغيورة  و الرطبة) واخا اجي معايا..
شدها من يديها غادي بيها للكوزينة هزها حطها فوق البوطاجي و هي كضرب برجيلاتها الصغيورين و كتقول...
شهد: فيا جوع فيا جوع....
نجم:(عصباتو) سكتينا شوية لسانك كبر منك واش مكتشوفينيش كنوجد فالفطور..
شهد(خافت دلات شنايفها و جمعات رجليها لعندها عنقاتهوم و حاطا راسها على رجليها كتشوف فيه) واخا غير متبقاش تغوت عليا حتى بابا كان كيغوت على ماما و يضربها مغديرش ليا بحالو يااك..(كتشوف فيه بعوينتها البريئين و طاحت دمعة على خذها)
نجم مبقاش عارف اش ادير كتبقى بنت صغيرة و طبيعي تخاف الا غوت عليها شي واحد
تقدم لعندها و كاس الحليب فيديه حطو فوق البوطاجي ... هز ليها راسها الصغيور مسح ليها دموعها...
نجم: شششت مكنضربش انا دريات صغار بحالك الى مداروش البسالات الى دارتي البسالات انوكلها ليك ( مد ليها يدو باش ضرب فيها بمعنى تافقنا)
شهد(حطات يدها الصغيور فيدو الكبيرة تبسمات و قالت) صافي تافقنا انجمي مغنديرش البسالات كااع
هبطها فوق البوطاجي حطها فكرسي مد ليها الحليب و طرف د الخببز فيه الفرماج و الكاشير بدات كتاكل حتى كملاتو ....
شهد(الحليب باقي ليها ففمها) صافي كليت الحمد لله
ونتا واش مغتفطرش(عوجات راسها ببراءة)
نجم: مفياش دابا ..
نزلات من الكرسي لي ريحات فيه تقدمات لعندو شدات لو فيديه ...
شهد: امتا غنمشي عند ماما غتكون كتسايني ؟
نجم(نتر يدها بعصبية) متعوديش تجبدي ليا سيرة ماماك ماماك مشات عند الله بااح دابا رجعي لبلاصتك...
بقا كيغوت عليها حتى سمعها كتبكي بصوت مسموع...
شهد: اهههئ متغوتش عليا  اهئ واش نتا خديتيها عند الله علاش اش دارت ليك  (كتمسح دموعها بيديها الصغيورين)
نجم بقات فيه
نجم حصل حصلة ديال الكلاب نطق بعصبية: صافي انا ماخديتها فين سكتي من بعد ناخدك عندها
..تحنا لمستواها هزها دور ليها رجليها على خصرو ...
نجم(بغا يبدل الموضوع) صافي اجي اش بان ليك نتفرجو فالرسوم...
شهد(غير سمعات الرسوم نسات كاع لي طرا تخشات فيه و دورات يديها الصغيورين ورا عنقو العريض تبسمات ) اه نتفرجوا فغامبول...
نجم(تبسم لا اراديا بقا غادي بيها للصالة حطها فوق الفوتوي شعل التلفازة و دار الرسوم)
شهد كتفرج و كضحك و سنيناتها الصغيورين المستفين كيبانو .
شهد: نجمي شتي اش دار ليه ههههه ضربو لكرشو بحال هاكا(جمعات يدها الصغيورة على شكل قبضة ضرباتو بشوية فكرشو ) هكا دار ليه و كضحك ..
نجم بغا يسايرها فهبالها...
نجم: (شد كرشو ) اييي الضربة القاضية ..
بقات كضحك   هو كيتبسم فجنب و التخنزيرة على وجهو 🤤
يتبع...