💫جنون الليدر💫

📜part 20📜

⚡جنون الـلـيـدر⚡

الفصل 1:كسر طغي الزعيم🖤

🦋جزء  20:

شهد حسات بالضو ضربها بدات تبكي وتشهق من إثر هاد الحگرة لي تعرضات ليها.
شهد:(شدات فحنكها بيديها الصغيورين و بقات كترعد من كثرة الالم) اهههئ علاش ضربتيني اطاطة اش درت ليك..

داليا(خنزرات فيها قربات منها و حطات يدها على فمها عوجاتو ليها) بربي و تقولي هادشي لداك نجم تاعك إتااا نزيدك اضعاف هادشي لي كليتي دابا (دفعاتها) ياله غبري من قدامي .

شهد(بقات كتبكي  و مشات كتجري لبيتها كالسة فقنت واحد و جامعة رجليها لعندها و كتبكي)

فالديبو مجموعين أكبر رؤساء المافيا الخاصة بمتاجرة المخدرات فواحد الطبلة جامعاهم كلهم..ومترأسهم الليدر رغم أنه أصغر واحد فيهم ولكن كيمشي كلمتهم عليهم كااملين
نطق كبيرهم لي كان بصيفة كتخلع وجهو كلو ضرابي وعينو مضروبة مفيهاش البؤبؤ كيطلقو عليه إسم القناص

القناص:أش هادشي السلعة وصلاتنا ناقصة لمرات متتالية هادو ماشي فعايل الرجال باك مكانش هكا

الليدر رجع راسو اللور بشوية وحط يدو على الطبلة بشموخ علاا حاجبو ونطق بصوت زعزعهم كاملين:هي بغيتي تقول أنا شماتة همم!؟

داك القناص بلع ريقو: مقصدتش أنا غي كنتعجب حيت عمرك درتيها

الليدر:مغنبقاش نشرح لكل واحد فيكم .. سمعوني مزيان وحلو ودنيكم

وقف ودور عيونو الحادة عليهم كلهم..

الليدر:كانو معايا شمايت خونة (بتاسم جنب) وأكيد مكاينينش بووحدهم وبحال والو معانا هنا فهاد الطبلة أمثالهم ولكن انا صفيتها لوالديهم

..من هضرتو خلا كل واحد يشوف فلاخر دخل فيهم الشك..

الليدر كمل: معليش غيجي الوقت ونبالي بيهم واحد واحد.. دابا جمعتكم باش نقولك السلعة لي مشات ليكم ربي يعوضكم فيها أنا ماعرفش العدو من الصديق لهذا مغنعوض تاا واحد والحااضر يعلم الغايب..

رمقهم بآخر نظراتو القاسية والجادة وعطاهم بظهروو..

خلاهم غا كيوشوشو أصلا مكانوش كيتسناو منو يعوضهم.. وشكون يقدر يوقف فوجهو ويقوليه عوضني..غيكون تعويضو الموت،