💫جنون الليدر💫
الفصل2: هوس الزعيم بالصغيرة الفاتنة♥️🖇
🦋جزء 68;
هبطات كتجريي عند نجم الدين لي كان حال ليها ذراعيه تلاحت عليه معنقاه وكتشهق بدمووع الفرح
نجم الدين: مبروك علييك اشهودتي
شهد: هه بفضلك انجمي
باستو فخدو و مشات عنقات الينا و باركات ليها بفرح و حتى منصور سلمات عليه بلابيز فرحو ليها بزاف مشات طلعات للمنصة شدات النتيجة و هي فرحانة بزااف عطاوهاا تلقي شي كلمة شدات الميكروفون و هي كتشوف فنجم الدين
شهد مباقيلها والو و تبكي: احم انا فرحانة بزااف حيت نجحت و من هاد المنبر نبغي نشكر الشخص لي ساندني و شجعني و وقف معايا فالحلوة و المرة (شارت بيديها) نجم الدين الجعفري
بقااو كيصفقوووو عليهااا و كيصفرو صحباتها لي تعرفات علييهم فالمدرسة
كملو حفلتهم و هبطات من المنصة عند نجم الدين و الحيبان ديالناا خرجو على براا وقفو حتى نطقات الينا
الينا: الليل معروضين عندي نديرو حفلة بسيطة بيناتنا على قبل نجاح شهودة و على قبل نتائجنا انا و منصور (عنقات منصور)
شهد: واخاا اطاطا هه
نجم الدين: واخاا الليلة نتلاقاو
منصور: ياله بلاتي (غمزو)
ركبو سيارتهم هو و الينا و حتى شهد و نجم الدين ركبو سيارتهم و توجهو لدارهم غير وصلو عطا الساروت ل شهد حلات باب الفيلا و دخلات طلعات لبيتهم كتجري حطات شهادتها و مشات للبلاكار جبدات بيجامة لبساتها و هبطات لتحت لقات نجم الدين باقي على برا كيدوي فالتيليفون تعجبات هزات كتافها و دخلات للكوزينة تقاد الغدا و دايرة الموسيقى بتيليفونها و كتغني معاها دخل نجم الدين شافها هكاك تبسم و طلع لبيتو بدل عليه و جبد البيسي حطو على رجليه بقاا خدام فيه مدة طويلة حتى سمع شهد كتعيط عليه هبط لقا الغدا موجود فوق الطبلة جلس متبسم و باشرو فالاكل هي وياه
شهد شافتو ميدويش: نجمي مالك واش بيك شي حاجة
نجم الدين: نو والو غير عيان
شهد: رتاح شوية
مجاوبهاش كتافا يبتاسم ليها و كملو غداهم هو طلع لبيت و هي جمعات ميعنات و غسلاتهم و طلعات عندو لقاتو خداام فالبيسي مشات ناحيتو حيداتو لييه من يدو و حطاتو فوق الكوافوزة
شهد مخنزرة: رتاااااح
نجم الدين تكا و دار ليها اشارة تكات حداه جبد التيلي ديالو عطاه ليها
نجم الدين: تفرجي فشي فيلم انا انعس شي شوية واخا (باسها فراسها)
شهد: واخاا انجمي نيت نسيت تيلي ديالي لتحت هه
نعس هو على كرشو و خلاها كتفرج ف فيلم مورا فيلم حتى حرقوها عنيها شافت الساعة و مشات للبلاكار جبدات اش تحتاج و دخلات للدوش دوشات نقات حالتها و لبسات فالدوش و خرجات كتنشف شعرها لقات نجم الدين كيتكسل تبسمات و مشات كترش عليه ب شعرها بقا كيضحك و مشا للدوش كيجري خلاها كضحك علييه حتى هو دوش و خرج لاوي عليه فوطة لبس حوايجو و جلس حداها
يتبع....
VOUS LISEZ
💫جنون الليدر💫
Actionحصرية على الواتباد 👑لحصريا ولأول مرة على شاشتكم 👑 #مكتملة .. قصة تحت عنوان 💫جنون الليدر💫 #حصريا قصة بنكهة خاصة ومخالفة على باقي القصص بحيت في أحداثها مقتطفات واقعية، كوميدية درامية رومانسية، العشق الهوس الجنون، البراءة، الخجل تفرشيييخ رجو...
