⚡️جنون الـلـيـدر⚡️
الفصل 1:كسر طغي الزعيم🖤
🦋جزء 32
صبح صباح جديد مع احداث جديدة فاق نجم الدين هو اللول شاف فشهد لي فسابع نومتها كيشوف كمية البراءة لي على وجها بلاما يحس حط يدو على خذها كيدوز عليها بحنان حتى بدات شهد كتحل فعويناتها لي تلاقاو نيشان مع عينين نجم الدين تبسمات حتى بانوا سنيناتها الصغيورين المستفين و شعرها طايح نصو على جبهتها .
شهد: صباح الخير نجمي .
نجم الدين(بادلها الابتسامة) صباح النور (عاونها حتى ناضت )شوفي سيري غسلي وجهك و حكي سنانك انا غنهبط نوجد الفطور.
شهد(تبسمات) واخا انجمي.
توجه نجم الدين للتحت غسل وجهو غير فلافابو لي حدا الكوزينة جبد البيض صلقوا فالما حطو مع كاشير و زيتون و وجد كاس د العصير لشهد و قهوة ليه حط الكومير و كلس فوق الطابلة.
لمح شهد جايا لعندو.
شهد:(حطات يديها على فمها) هادشي كيشهي(دوزات لسانها على فمها)
نجم الدين(سرط ريقو) اجي لهنا متبقايش ديري ديك الحركة راه خايبة.
شهد(عقدات حواجبها) علاش خايبة؟(ببراءة)
نجم الدين(الله يا ربي حتى هادي خاصني نفهمها ليك) شوفي دوك الحركات كيديروهوم غير الكبار حتى تكبري و تعرفي علاش خايبة دابا زيدي تفطري.
شهد(كتبلق فعويناتها) واخا حتا نكبر و نولي قد طاطي الينا.
بداو كيفطرو فصمت حتى صونا تيليفون نجم الدين . هز تيلي دوز الخط.
نجم الدين: وي اش تماك؟
الخطاف:ماي ليدر خاصك ضروري تجي العصابة لي كانت كتدي لينا السلعة هجموا على الديبو .
ناض نجم الدين من بلاصتو معصب . و كيتوعد بالانتقام لدوك الكلاب
نجم الدين: كيفاش؟ واخا واحد شوية انكون تما (و قطع عليه)
دوز ابيل لمنصور.
نجم الدين: صباح الخير.
منصور: صباح النور لباس عليك.
نجم الدين: ما لباس ما تا لعبة الز*امل جا برجليه حتى لعندي و هاد الفرصة مغنلفتهاش .كوليا واش كاين فالدار؟
منصور: دار حتى عيا و جا برجليه للموت (كيضحك) لا مكاينش فالدار خارج انا و الينا ؟
نجم الدين: فينكوم واش قراب ؟ بغيت نخلي عندكوم(شاف فشهد) شهد بينما رجعت.
منصور:لا اصاحبي حنا مسافرين لواحد البلاصة بعيدة شوية .
نجم الدين: فاااك شهاد الزهر واخا بسلامة انشوف كيف ندير(و قطع عليه)
نجم الدين:(كيمشي و يجي فبلاصتو مبغاش ادي معاه شهد حفاظا على سلامتها و لكن معندو تا حل الا يديها معاه ضرب فالطابلة قدام عينين شهد) فااااك.
شهد(تخلعات و بدات كتبكي تقدمات لعندو جبداتو من سروالو ) نجمي علاش معصب اهههئ متبقاش دير هاكا راني خايفة.
نجم الدين(عاد عرف اش دار كيسب قدامها محسش براسو و لكن راه مبغاش اعرض حياتها للخطر تحنا حداها و شد وجها بين يديه) شششت متبكيش ما مالي والو (مد ليها يديه) يلاه معايا.
خرجات معاه و خلاو الطابلة هكاك ممجموعاش غير عرف انو هداك الخائن جاي لعندو برجليه مفكر فحتى حاجة الا انو اصفيها ليه.
خرجوا بزوج ركبها فلوطو و بالضبط فاللور قاد ليها السمطة و كسيرا نيشان للديبو
يتبع
VOUS LISEZ
💫جنون الليدر💫
Acciónحصرية على الواتباد 👑لحصريا ولأول مرة على شاشتكم 👑 #مكتملة .. قصة تحت عنوان 💫جنون الليدر💫 #حصريا قصة بنكهة خاصة ومخالفة على باقي القصص بحيت في أحداثها مقتطفات واقعية، كوميدية درامية رومانسية، العشق الهوس الجنون، البراءة، الخجل تفرشيييخ رجو...
