⚡️جنون الـلـيـدر⚡️
الفصل 1:كسر طغي الزعيم🖤
🦋جزء 56
سطعت الشمس و الجو جميل هذا اليوم 🌺 ههه
فاق الليدر ديالنا هو اللول شاف شهد مكمشة فيه شاداه من كتفو بحال الى ايهرب ضحك بجنب و تسلت بلا ميفيقها دخل للدوش قضا حاجتو و غسل وجهو و خرج مشا للبلاكار جبد سروال و قبية حطهم على السرير و بدا حيد حوايجو ياله ايلبس السروال و هو يشوفها ناضت تكسل شافت فيه
شهد بنعاس: صباحو نجمي
نجم الدين بقا مسمر: صباح الخير
شهد حلات عنيها على وسعهم و خبات عنيها بيديها و ضحكاات بطفولية: نجمي حشوومة نشوفك هاكا لبس دغيا ههه
نجم الدين مجاوبهاش لبس سروالو و لبس قبيتو كمل دخل حوايجو للدوش فالسلة تاع الوسخ و هبط بلا ميدوي معاها حيدات يديها على عنيها ملقات والو تعجبات دخلات حتى هي قضات حاجتها و خرجات صايبات الفراش بالخاطر واخاا مكتعرفش ولكن حاولات سالات نزلات لتحت لقاتو وجد الفطور فوق الطبلة جلسات بالكشفة فالكرسي و بدات كتاكل يتقالة فحين هو دغيا سالا
♣️♣️فمكان اخر واقف بكل شموخ و الكراهية و الحقد على وجهو نطق بحدة
يحيى: هاد الوراق اليوم نبغي يسينييهم (ضحك بجنب) باش الليلة ننهي اللعبة ديالي
عيسى: امرك و الى حصلني وعرف بلي الوراق مزورين اش غندير راه اكيد ايتحي عليا
يحيى: خدم مخك و متكونش جبان و مكان كيف يدير يعرف ضربت الحساب مزيان خليه يتيق بيك و يسنيي
عيسى: نتمنى انا دابا انمشي
يحيى: سير و الى مجبتيش شي خبار يفرح بقا تما
عيسى هز الوراق و خرج ركب سيارتو متوجه للديبو ديال الليدر و حاس بلي اكييد اتوقع شي حاجة حيت ماشي بالساهل ضحك على الليدر طلب الله بحال الى ايدير شي حاجة حلال مدازش بزاف الوقت و وصل لتماا لقاه جالس على الطبلة هو و منصور و كيخربو فشي وراق و الخطاف واقف عليهم بكل رجووولة (فاش الليدر سالا فطورو جا للديبو هو و منصور و شهودة كتلعب فالبيت لي فديبو) تنفس الصعداء و دخل شافوه علاو فيه راسهم نجم الدين ايطرطق ولكن منصور كيحاول يكالميه بنظراتو
عيسى: السلام عليكم
الكل؛ وعليكم السلام (منصور نطق) جلس
جر كرسي و جلس و البسمة على وجهو باش ميبين والو حط دوك الوراق فوق الطبلة
نجم الدين مغزز: ايوا باشمن خدمة بغيتي نبداو
عيسى بتكبر: اه قبل ما نبديو انا جبت معايا واحد الصفقة انربحو فيها بزوج خاص غير نسينييو شي وراق و الربحة لينا (غمزهم)
نجم الدين: جيب الوراق نشوف
عيسى توتر: واش مكتيقش فيا راه ولينا شركاء انربحو الملاير صفقة مع رؤساء روسيين
نجم الدين بأمر جيب الوراق
عيسى جاس حداهم وعطاه الوراق بقا كيقرا فيهم هو منصور وراق مخلطين شوية صفقة ولكن الصفقة هي يعطي املاكو طرطق عنقو يمين شمال و هز واحد الستيلو كان تما ببطئ و شاف فعيسى لي بدورو شاف فيه و هزو خشاه ليه فعنيه فالدقيقة التسعين خلااه يغوت ربييي لي خلقووووو
يتبع....
VOUS LISEZ
💫جنون الليدر💫
حركة (أكشن)حصرية على الواتباد 👑لحصريا ولأول مرة على شاشتكم 👑 #مكتملة .. قصة تحت عنوان 💫جنون الليدر💫 #حصريا قصة بنكهة خاصة ومخالفة على باقي القصص بحيت في أحداثها مقتطفات واقعية، كوميدية درامية رومانسية، العشق الهوس الجنون، البراءة، الخجل تفرشيييخ رجو...
