⚡️جنون الـلـيـدر⚡️
الفصل 1:كسر طغي الزعيم🖤
🦋جزء 24:
توجه نجم الدين لخدمتو مدة قصيرة وصل للمستودع غير نزل من الطونوبيل جاو عندو رجالو حانيين الراس دخل و هوما موراه جلس بشموخ فمكتبو حتى هوما جلسو نطق بصوت رجولي كيزعزع
نجم الدين: واش عرفتو فين كانو كيديرو السلعة
الخطاف جالس جنبو: ماي ليدر كنقلبو مشيت لدارو كنقلب مالقيت والو ولكن انزيد نبحث
نجم الدين: بحث كتر خاصني نعرف السلعة فين كانت كتمشي
الخطاف:امرك
نجم الدين: الريوسا لاخرين وصلاتهم السلعة هي هاديك ليوم !
الخطاف: اه اسيدي و صلاتهم كاملة مكمولة
نجم الدين: همم شحال دخلو فالحساب
الخطاف: 15 د المليون
نجم الدين: مزيان
بقاو هاكا كيهضرو فامور الخدمة و امور السلعة و الشركاء و كيحاولو يعرفو السلعة الناقصة فين كانو كيصردوها دوك الخونة
اما عند دالياا كملات شغال الدار و طلعات لبيت نجم الدين خملاتو و اي حاجة ديالو هازاها كتشمهاا سالات بيتو و مشات لبيت شهد حلات الباب لقاتها فوق السرير كتلعب بورقة و قلم كترسم و كتغني اغاني اطفال بحالها
داليا ضحكة شيطانية: اش بان ليك لعب معااك
شهد باستغراب: واش بصح
داليا: اه كملت شغالي دابا العبو انا وياك
شهد فرحانة غير نية مسكينة: يايي نمشيو للجردة لعبو
داليا شداتها من يديها: اه اصلا كنت اناخدك للجردة
هبطات هي وياها شهد غير كتنقز اما داليا مغززة عليها خرجو للجردة وقفاتها فواحد القنت قريب شوية لابيسين و هي رجعات شوية بعيدة عليها و قالت
داليا: شوفي العبو انا نسولك و نتي تسوليني اسئلة و لي جابت الجواب غالط اترجع زوج خطوات للواراء مم
شهد: واخا اطاطي بداي نتي
داليا كضحك: واخا أحبيبة ممم اول سؤال شحال فعمري انا
شهد كتخمم: مممم (معرفاتش الجواب) فف طاطي قوليلي سؤال اخر
داليا: لا خسرتي رجعي زوج خطوات للور
شهد رجعات حتى بقالها زوج خطوات اطيح فلابيسين
داليا؛ مزيان نسولك واحد اخور ممم واش نتي عارفة هاد لابيسين شحال العمق ديالو (بشر)
شهد بملل: لا اطاطي معارفاش سوليني اسئلة ساهلين
داليا:رجعي زوج خطوات للوراء
شهد: ولكن اطاطي نتي كتسوليتي أسئلة صعااب
بقاو هكاك شهد مبغاتش ترجع بحكم اسئلة غراب عليها كطفلة و صعاب فحين فهاد الوقت جا نجم الدين جا للدار نزل من سيارتو و دخل لداخل لقا الصقيل مشا للكوزينة ملقاش داليا تعجب مشا للطبلة حط تيليفونو و سوارت الطوموبيل جا يدور و هي تجي عينو فشهد لي مبقالها والو و طيح فلابيسين و داليا واقفة اونفاص ليها كتشجعها ترجع اللور بقا مصدوم جا يقرب لعندهم وهي تبان فعينو شهد رجعات اللور و طاحت فلابيسين كتغوت
يتبع....
VOUS LISEZ
💫جنون الليدر💫
Actionحصرية على الواتباد 👑لحصريا ولأول مرة على شاشتكم 👑 #مكتملة .. قصة تحت عنوان 💫جنون الليدر💫 #حصريا قصة بنكهة خاصة ومخالفة على باقي القصص بحيت في أحداثها مقتطفات واقعية، كوميدية درامية رومانسية، العشق الهوس الجنون، البراءة، الخجل تفرشيييخ رجو...
