💫جنون الليدر💫

✒️part129✒️

💫جنون الليدر💫

✒️

الفصل2: هوس الزعيم بالصغيرة الفاتنة♥️🖇

الاجــزاء الاخـيـرة🧡🌺

🦋الجزء 129;

بقاو هاضرين و كيزعموه حتى ناض نجم الدين متحمس
نجم الدين؛ صافي قررت اليوم نتزوجها
ثائر؛ ماي ليدر شوف حنا شجعناك ولكن مقلناش ليك دابا
نجم الدين؛ منقدرش نصبر
منصور؛ اه صافي زيد لا يوليو يجيو يخطبوها عليك
نجم الدين؛ داك الساعة انفصل ليه الراس على الكسدة و نعطيه ليكم تدفنوه
منصور؛ زيد وكان زييد غا على سبة
نجم الدين بجدية؛ لا معاك بصح والله حتى نقتل الكرباني لي يحنزز ليا ف روحي
ثائر؛ ماي ليدر ممكن نمشيو
نجم الدين؛ ياله ههه
وقفو خرجو من المستودع ركبو سيارة ديالهم و توجهو لاقرب محل من الدار باش يتقداو المسائل حيت مول فيه كل ما حليتي عليه فمك بعد مدة قصيرة وصلو لواحد المول نزلو بثلاتة دخلو بديك المشية و الفصالة لي دازت دوز ريوكها سايلين ستقبلاتهم مولات المحل بابتسامة قمعوها مداوهاش فيها فقط لقاو السلام و دخلو
بقاو كيختارو تقداو الشموع الحمراء و الورود مفتتة فقوابس داروهم فشكارات و مشا نجم الدين بعد عليهم و مشا بوحدو ختار ليها لبيسة فالاحمر قصيرة و مشبكة من الصدر عجباتو هزها و هز ليها دوبياس فالالوان و الاشكال كمل و مشا عند صحابو لقاهم هزو لييه واحد البذلة فالكرونة كتحمق حتى هو عجباتو مشاو عند الانسة لي فالصرف هزات ليهم داك الشي لي تقداو خلصو و خرجو متوجهين لواحد الحانوت ديال الاكل تقدا ليموناد و تقدا عشاء بسيط ليهم بزوج و اخير اخر حاجة بقات ليه هي الخاتم مشا لمحل الذهب ختار ليها هو و الدراري خاتم ديال النقرة الماسي كيحمق فيه فن فن فن 😍 و ختارو ليه حتى هو خاتم نقرة سامبل خرجو متوجهين للفيلا دخلو للدار و دخلو الحوايج لي شراو طلعوهم لبيت شهد و نجم الدين نجم حط لي تقدا ليها فالماريو اما الورود و الشموع جابو طبلة حطوهم فيها زوج شمعات و الورود من الفوق و حطو الكيسان و الاكل و ليموناد (بحال الشراب) جات كتحمق منظر زوين اما السرير حطو عليه الورود و حطو حتى فالارض جات البيت زويينة و بعض التويشياات جات فنة اما السي العريس دخل للدريسينغ لبس البذلة جاتو فنة تقول هدا ما الليدر خرج عندهم
منصور: هاي هاي على السي الجعفري
ثائر؛ ماي ليدر جيت زوين ههه
نجم الدين؛ شكرا ههه شكرا ليكم
منصور؛ زيدها فييك
نجم الدين؛ و شهد
منصور: خلي الامر علياا
توادعو معااه خلاوه باقي كيريكل كلشي و ركبو السيارة توجهو لدار ثائر لي فيها البنات كانو كيتعاودو هوما و لوجين على ليلتها راكم عارفين امور البنات بعد مدة وصلو فتح ثائر الباب و دخلو بزوج هو و منصور شافتو شهد مامعاهمش نجم وقفات
شهد؛ فيين نجمي
منصور؛ ا عيان خديناه للدار
شهد تخلعات؛ ك كيفاش (شدات فيدو) زيد خودني عندو
معطلهاش غمز لثائر و هو مشا بيها لدار نجم الدين
البنات بقاو حايرين حتى فهمهم ثائر البلان خلاهم فرحانين اخيرا صغيرتهم اتزوج و دير دارها مع المهووس ديالها

#يتبع