💫جنون الليدر💫
الفصل2: هوس الزعيم بالصغيرة الفاتنة♥️🖇
🦋جزء 99;
نجم الدين صاعر: ياا ربي صبرني
رما التيليفون على السرير و خرج خاف لا يدير شي حاجة يندم عليها خلا شهد كتقفقف حيت عارفاه تعصب بزااف جلسات على السرير هزات التيليفون و خرجات من دوك الكروبات كلهم و بلوكات الدري و حطات التيليفون كتفرك فيديها بتوتر
نجم الدين هبط للحلبة الخاصة ديالو لي عندو فدارو كيتريني فيهاا او نقدرو نقولو فاش كيتعصب يجي يفرغ الغضب ديالو تماا فيها كلش انواع الحديد ولي كيلعبو فيها البوكس
هبط حيد تريكو بقا عريان من الفوق و مشا تواجه مع داك لي كيضربو فيه معلق و بدا كيضرب بلا ميدير ليكات بداا كيضرب بكل جهدو اينفوا كيتفكر بلي شي حد شاف ف محبوبتو كيصعر كيتفكر بلي هضر معاها و تغزل بيهاا كيضرب بكل جهدو حتى يديه سالو بالدم شوية فالصباع واخا هاكا بقا كيضرب فيه حسن ما يفوت فشهد شي ضربة
شهد بقات جالسة حتى قررات تمشي تطلب منو السماحة مشات للكوزينة للصالون للجردة ملقاتوش تنهدات بخوف عرفاتو فين كاين مشات هبطات بشوية كتبع صوتو حتى بان ليها كيضرب فداك لي معلق و يديه حووومر و فيهم شوية د الدم مشات كتجري شداتو من يديه بلا متراعي انه يقدر يفوت فيها شي دقة فاش شداتو نتر يديه بجهد حتى جات طايحة عاد وعا على راسو و حبس الضرب تحنا هزها من يديها مخنزر تأكد ما طرا ليها والو
نجم الدين: لاش جيتي
شهد بصوت باكي؛ ن نجمي شوف يديك
نجم الدين ميشوفش فيها: سيري للفوق
شهد: منمشيش
نجم الدين غوت بحر جهدو: ششششههههدددد سيري الفووق متخلينيش نمد عليييك يدي
شهد خافتو ولكن مقدراتش تخليه فداك الحالة: اهئ نجمي عفاك متغوتش
نجم الدين: شهد سيري
شهد قربات عنقاتو من خصرو؛ ع عفاك انجمي اهئ سمح لياا صافي خرجت من كلش و بلوكيتو والله مكنت عارفة ايسيفطو ليا اهئ
نجم الدين شافها كيف معنقاه و كيف كتبكي دوز على شعرها و نطق بهمس فيه بحة تاع غواتو
نجم الدين: ششش متبكيش و اخر مرة ا شهد اخر مرة
شهد فصلات العناق: اخر مرة اه اهئ (شافت فيديه) ش شوف كيف رجعتي يديك
نجم الدين؛ ماعليا والو مولف
شهد ببرائة؛ هاء كيفاش مولف
نجم الدين: ياله نمشيو ناكلو واش مافيكش الجوع
شهد و هوما طالعين للكوزينة: فيا بزاف
طلعو للكوزينة هو باقي مخنزر و هي كتشوف فيه ببرائة باش يحن فيها حيت عارفة نظراتها كتقتلو بييهم كملو على توجاد الغدا و وجدو الطبلة بزوج و جلسو كياكلو فصمت حتى نطقات شهد
شهد؛ نجمي ديك البنت كيف دار معاها خويا ثائر
نجم الدين مكيشوفش فيها؛ راها معاه فالدار حيت معندها فين تمشي
شهد شافتو ميشوفش فيها بقا فيها الحال: ن نجمي شوف فيا
نجم الدين شاف فيها بعنيه الزرقين الحادين: مم
شهد تبسمات؛ هكاك هه
نجم الدين تبسم بلا خاطرو و كملو اكلهم
#يتبع
VOUS LISEZ
💫جنون الليدر💫
Acciónحصرية على الواتباد 👑لحصريا ولأول مرة على شاشتكم 👑 #مكتملة .. قصة تحت عنوان 💫جنون الليدر💫 #حصريا قصة بنكهة خاصة ومخالفة على باقي القصص بحيت في أحداثها مقتطفات واقعية، كوميدية درامية رومانسية، العشق الهوس الجنون، البراءة، الخجل تفرشيييخ رجو...
