💫جنون الليدر💫
الفصل2: هوس الزعيم بالصغيرة الفاتنة♥️🖇
الاجــزاء الاخـيـرة🧡🌺
🦋الجزء 130;
مدازش بزااف د الوقت ووصلو لدار نجم الدين هبطات شهد من اللوطو خايفة على نجم هبط منصور بدورو تابعها من اللور تقدم لجهة الباب حلو بالسوارت عطاه نجم السوارت باش متشكش شهد فوالو دخلات شهد هي اللولة كتقلب بعينيها على نجم اما منصور فبقا واقف كيشوف فيها.
شهد: خويا منصور فين هو نجم؟
منصور(ربع يديه ) طلعي الفوق راه هو فبيتو.
شهد(متوترة): واخا و نتا مغطلعش معايا؟
منصور: تت انا غنمشي غير سيري نتي بسلامة عليك.
شهد(تبسمات ليه) واخا اخويا الله يعاونك.
خرج منصور من الدار كسيرا اللوطو ديالو غادي نيشان لدارو.
اما شهد فطلعات الفوق دقات فباب البيت مجاوبها حتى واحد.
شهد(فخاطرها) فين غيكون افف.
تشجعات و بركات على البواني قبل ما يبان ليها داك المنظر لي خلاها حالة فمها حطات يديها على فمها و بقات غير كتشوف فداكشي لي قدامها حمقها بزااف.
شهد:(سدات الباب) نجمي فيينك واش نتا هنا؟
خرج ليها نجم كان وراها دور يدو على خصرها .
شهد حسات بشي حاجة من موراها عرفاتو نجم.
نجم الدين: انا هنا احبيبتي.
شهد(مع سمعات هاد الكلمة فرحات و تبسمات دارت عندو و على وجها الف سؤال.) لااش هادشي كولو؟
نجم الدين(حط يدو على وجها) عجبك ممم؟
شهد(بدون فهم) واش هادشي على قبلي؟
نجم الدين:اه هادشي كولو على قبلك .
شهد(دمعو عينيها من كثرة الفرحة تقدمات لعندو و عنقاتو) شكرا بزااف
نجم الدين: ششت متشكرينيش اروحي تستاهلي كثر من هادشي.
جبد ليها الكسيوة لي جاب ليها مدها ليها.
نجم الدين: هاكي لبسي هادي (عوج راسو و تبسم)
شهد(تبسمات ليه وباستو فخدو و شدات من عندو الكسوة و توجهات للدريسينغ )
مدازش بزااف د الوقت خرجات عندو لابسة ديك الكسيوة واخا قصيرة جاتها فنة شعرها خلاتو مطلوق دارت شوية د الميكاب.
لمحها نجم وسع عينيه من كثرة ما هو معجب بيها ناض حداها جر ليها الكرسي حتى كلسات. و بداو كياكلوا فصمت و كيتبادلوا نضرات كدل على بزااف د الحوايج.
سالاو ماكلتهوم ناض نجم الدين من بلاصتو توجه لعندها تحنا على ركابيه جبد بواطة من جيبو.
شهد غير كتشوف اش كيدير.
حلها و قربها لعند شهد.
نجم الدين: واش تقبلي تزوجي بيا آنسة شهد تقبلي تكوني مراتي على سنة الله ورسوله و ما تفارقنا حتى حاجة من غير الموت تقبلي تحني فهاد المجنون لي ولا مههوس بيك (حط يدها على قلبو) من نهار شتك و قلبي مدق لحتى وحدة من غيرك عايش غير على قبلك واخا نعيا ندوي منقدرش نوصف ليك داكشي لي كنحس بيه من جهتك وليتي كولشي فحياتي من نهار دخلتي ليها ملكتي قلبي و عقلي قدرتي تغيريني من قاصح لحنين قدرتي تخليني نعرف شنو هو معنى الحب واش تقبلي تكوني حلالي و تشاركيني فالحلوة و المرة.
شهد(غير كتصنط لكلامو لي جاب ليها التبوريشة طاحوا دموعها تدرييجيا) اهههئ انا قاابلة (عنقاتو)
نجم الدين(بادلها العناق هزها كيدور بيها فرحان و ضحكاتهوم ملئات البيت حطها جبد داك الخاتم ركبو ليها و مد ليها الخاتم لي جاب لراسو ركباتو ليه.
شاف فيها بشهوة تحنا على شفايفها باسها بوسة خفيفة دورات هي يديها على عنقو متجاوبة معااه مخليين صوت قلبوهوم كيتسمعوا.
يتبع..
VOUS LISEZ
💫جنون الليدر💫
Acciónحصرية على الواتباد 👑لحصريا ولأول مرة على شاشتكم 👑 #مكتملة .. قصة تحت عنوان 💫جنون الليدر💫 #حصريا قصة بنكهة خاصة ومخالفة على باقي القصص بحيت في أحداثها مقتطفات واقعية، كوميدية درامية رومانسية، العشق الهوس الجنون، البراءة، الخجل تفرشيييخ رجو...
