💫جنون الليدر💫

📜part 31📜

⚡️جنون الـلـيـدر ⚡️

الفصل 1:كسر طغي الزعيم🖤

🦋جزء 31

من بعد ما هبط شهد لكوزينة صايب ليها الفريت قلاها دارها ليها فوسط الخبز و دار ليها معاها كاشير و عطاها تاكل مع العصير و حتى هو نقب معاها شوية 
كلات حتى شبعات تكرعات حتى بقات كضحك على راسها هو غير كيشوف فيها ناض جمع الماعن حطهم فوق البوطاجي ياله ايغسلهم وهو يحس بيها شدات ليه فتيشورت
شهد: عفاك واخا تخليني نغسلهم عفاااك
نجم الدين:واش نتي بهاد الطولة اتغسلي الماعن
شهد شافت فراسها: عفاك انجمي
نجم الدين جاب كرسي حطو ليها تما و طلعها وقفها فيه و جلس كيشوف اش غدير هزات الصابون و دارتو فالحبيلة (لي كيغسلو بيها الماعن) و بقات كتغسل الكيسان و الطبسيل و داك الشي كولو بقا غير كيشوف شلاتهم و كتمد ليه يدير فبلاصتهم كملو غسلو يديهم و هبطها من الكرسي رجعو لبلاصتو و طلع للبيت و هي موراه غير دخل سد الباب جلس على السرير جبد التيلي كيخرب فيه هي حسات بالملل مشات جلسات حداه بالكشفة حيت قصيرة جلسات حاطة عنيها على التيليفون
شهد نطقات ببرائة: واش ميمكنش يكون عندي بحالو
نجم الدين: نتي برهوشة باقي الحال
شهد: ماشي برهوشة متقوليش برهوشة راه انا كبيرة
نجم الدين: واخاا كبيرة مزيان (مركز مع التيلي)
شهد ملات: واش ممكن لعبو انا وياك
نجم الدين: عيان و خدام سيري لعبي راسك
شهد: نجمي مكيجينيش لعب راسي لعب معايا عفاك
نجم الدين تنهد بعصبية: شهد سكتي شوية سكتي يااا متقاضايش
شهد بقا فيها الحال نزلات من السرير حتى كانت اطيح و تمشات شوية عطاتو بالظهر و ربعات يديها على اساس زعفانة شافها هكاك ناض حط التيلي وقف عندها جرها من يديها و جلسها على السرير
نجم الدين كيشوف فعنيها: مالكي دابا
شهد كتشوف فعنيه: جاني الملال
نجم الدين تنهد بقلة حيلة: مم واخا انا انسولك و نتي جاوبي
شهد ضحكات: واخا انجمي ياله
نجم الدين: شكون علمك تغسلي الماعن و نتي قد صبعي
شهد: ممم ماما هي لي كانت كتعطيني نغسلهم ديما
نجم الدين فخطارو: هاد ماماك خاص لي يح*&ويها: اهاه مم واش عمرك مشيتي للمدرسة
شهد؛ لا عمرني دخلت لمدرسة حيت بابا مبغاش
نجم الدين بقا كيشوف فيها مطول: اهاه و اللعب مكنتيش كتلعبي مع صحباتك
شهد بحزن: لا مكانوش عندي صحباتي كاع كنت بحدي فالدار و كنبغي لعب مع ماما ولكن مكتبغيش
نجم الدين: شمن طفولة هادي
شهد بعدم فهم: نعام
نجم الدين مركز فعنيها؛ والو
هادي هي شهد الطفلة البريئة مكتعرف لا منين تدخل او منين كتخرج طفولتها عاشتها مع مها و باها لي عمرو جربو يلعبو معاها او يعطيوها الوقت الكافي باش تحس ان فغيمو عندها واليديها مها الاغلبية كتنده فيها تخدم صوالح واخا هي صغيرة اما باها وقتو كولو فالخدمة و عمرو سولوها شنو كتبغي او شنو خاصك حتى الخريج مانعينو عليها مكتخرجش تلعب مع صحباتها لي اصلا معندهاش المدرسة مكتمشيش ليها الحاجة الوحيدة لي علموها ليها هي ورقة و ستيلو كيلوحوها ليها كانت كتشوف فالتلفازة و كترسم بحال الرسوم 💔مسكينة شهد💔

شهد بقات كدور فعنيها حتى لمحات يديه مجروحة شهقات بطفولة
شهد شدات فيديه: هااء مالك انجمي
نجم الدين هبط عنيه كيشوف فيديه الكبيييرة فيديها الصغيورة تلف و اخيرا حس بدفئ فيديات شهد: و والو (نهار لي غوت عليها و طاحت ضرب يديه مع الارض)
شهد شافت فيه: ندير ليك الدوا (ببرائة كتسولو)
نجم الدين تلفاتو على القبلة بهاد كمية البرائة لي فيها ؛ لا بلاش اتبرا (دايها على قد عقلها)
شهد بحزن: اوووه ا نجمي بقا تحضي راسك اناا اندير ليك فيها بوسة باش تبرا (هزات يديه الكبيرة سلماات عليها بوسات طفولية متتابعة) صافي دابا اتبرا
نجم الدين بقا غير كيشوف فيها عنيه مبعدوش من عليها

يتبع...