Part 356
Sue Xing NwayNovember 28, 2022
Chapter 356
လျန့်စီယုက နံရံနှင့်တိုက်မိသွား၏။ သူမငယ်စဥ်ကတည်းက တခါမှ ဤကဲ့သို့ဆက်ဆံမခံခဲ့ရချေ။
ထိုစဥ် တခြားလူများပြေးလာကာ သူမအားအလျင်အမြန်ထူပေးလာသည်။
“မင်းအရမ်းစိတ်လှုပ်ရှားနေတယ်...စိတ်ငြိမ်ငြိမ်ထားပါ...”
“ငါဘာမှစိတ်ငြိမ်ငြိမ်ထားနေစရာမလိုဘူး...အကုန်လုံးက ကျန်းရှောင်မန်ကြောင့်ပဲ...သူရောက်လာကတည်းက ငါပိုင်တဲ့အရာတွေကိုတစ်ခုချင်းစီ လုယူနေခဲ့တာ...”
အတန်းသားများက ဆွံ့အသွားသည်။
ဒီလိုအကျိုးသင့်အကြောင်းသင့်မရှိတဲ့တစ်ယောက်ကို သူတို့ကဘာလို့ဂရုစိုက်ပေးရမှာလဲ...
ထိုစဥ် စာဖတ်ရန်ပြင်နေသောယွီချင်းရှီက သူမအားရုတ်တရက်လှည့်ကြည့်လိုက်ကာ...
“ဟုတ်လား...ရှောင်မန်က နင့်ကိုစာခိုးချဖို့ပြောခဲ့လို့လား...နင့်နေရာကိုရော ဝင်ယူခဲ့လို့လား...စာမေးပွဲမေးခွန်းကိုတောင် သူမြင်ဖူးပါစေဦး...နင်အခုလုပ်နေတဲ့အပြုအမူကလေ...”
သူက လျန့်စီယုထံချဥ်းကပ်လိုက်ပြီး အသံနိမ့်နိမ့်ဖြင့် ပြောလိုက်သည်။
"အရည်အချင်းမပြည့်မီတဲ့အပြင် တခြားလူအပေါ် ဒေါသပုံချချင်နေတယ်...ရှက်စရာပဲ...”
လျန့်စီယုမျက်နှာဖြူဆုတ်သွားကာ ငိုရင်းပြေးထွက်သွားလေသည်။
သူမငယ်စဥ်ကတည်းက အလွန်ပင်ကောင်းမွန်သောဘဝ၌ နေထိုင်ခဲ့ရ၏။ ဖခင်ဖြစ်သူက သူမကိုအလွန်ချစ်သည်။ မိခင်ကလည်း သူမပြောသမျှအရာအားလုံးကို ဖြည့်ဆည်းပေးသည်။
ယခုမူ သူမတွင် ဘာမှမရှိတော့...ကိုယ့်ကိုယ်ကိုယ်လေးစားမှုပင် မရှိတော့ချေ။
ထို့အပြင် သူမ ကျောင်းမှထွက်မသွားနိုင်။ ကျောင်းထွက်လိုက်သည်နှင့် စာခိုးချသည်ဟူသောပြစ်ချက်ကြီးက သူမဘဝတစ်လျှောက်လုံး လိုက်ပါနေတော့မှာဖြစ်သည်။
ငါမှာစာခိုးမချခဲ့တာ...အဖြေလည်းကူးမချဘူးလေ...စနစ်က ငါပိုင်တာပဲဟာကို...ဒါကထည့်တွက်လို့မရဘူးမဟုတ်လား...
YOU ARE READING
အခန်းဆက် ၃ ဗီလိန်ဇာတ်ညွှန်းကိုဖြဲပစ်မယ်
General Fictionအပိုင်း ၃၃၆ ကနေစပါမယ်ရှင့် wpကအခြဆိုအပိုင်း၁၅၀လောက်တောင်တင်မရချက်တေည့ဘူးerror ဖြစ်၂နေလို့😖
