Part 401
Sue Xing NwayDecember 03, 2022
Chapter 401(Extra-38)
ကျန်းယွဲ့က ပိုမိုကြောက်ရွံ့လာသည်။ သူမက သူမအနေ၏လက်ချောင်းများကို ဆုပ်ကိုင်ကာ ပြောလေသည်။
"အမေ သမီးလျော့စားပါ့မယ်.. ပိုပြီးလိမ္မာပါ့မယ်... အလုပ်လည်းလုပ်ပါ့မယ်... မောင်လေးကိုလည်းကြည့်ပေးပါ့မယ်... သမီးမသွားချင်ဘူး... သမီး အမေ့နားပဲနေချင်တာ... သမီးကို အဝေးကိုမပို့ပါနဲ့နော်...."
ကျန်းယွဲ့က ရှိုက်ငိုလာသည်။
"အမေ... အမေ... သမီး အဝေးကိုမသွားချင်ဘူး... အမေနဲ့မခွဲချင်ဘူး... မောင်လေးနဲ့လည်းမခွဲချင်ဘူး... သမီးဒီမှာပဲနေချင်တာပါ... အဝေးကိုမပို့ပါနဲ့...."
ကလေးမလေး၏အသံက နှာသံပေါက်နေကာ နူးညံ့သိမ်မွေ့လှပြီး သူမကိုတိုးလျှိုးတောင်းပန်လာသည်မှာ သံနှင့်ပြုလုပ်ထားသည်ဟူသော ကျန်းဟွေ့မိန်၏နှလုံးသားပင် ပျော့ပြောင်းလာရသည်။ သူမလည်း တောင့်မခံနိုင်တော့ဘဲ ကျန်းယွဲ့ကိုဖက်ငိုကာ အံတင်းတင်းကြိတ်ပြီးပြောလေသည်။
"မစိုးရိမ်နဲ့ သမီးကိုဘယ်သူမှအဝေးကိုမပို့စေရဘူး... သမီးက အမေ့သမီးပဲ... ဘယ်ကိုမှမပို့သလို ဘယ်ကိုမှမလွှတ်နိုင်ဘူး... အမေသမီးကို ပျိုးထောင်မှာ... ဘယ်သူမှအမေတို့ကိုခွဲမရစေရဘူး...."
ထိုအချိန်တွင် ကျန်းဟွေ့မိန်က ကြမ်းတမ်းခက်ထန်လာကာ သူမ၏မျက်လုံးများကလည်းသွေးရောင်လွှမ်းလာသည်။
ကျန်းယွဲ့စိတ်သက်သာရာရစွာ သက်ပြင်းချလိုက်ပြီး သားအမိနှစ်ယောက်သားမှာ အချင်းချင်းဖက်၍ငိုကြွေးကြလေသည်။
ထိုအချိန်ကတည်းက ကျန်းဟွေ့မိန်မှာ ပို၍အလုပ်များလာရသည်။
သူမ၏အမျိုးသားကဆုံးပါးသွားပြီဖြစ်၍ သူမတစ်ယောက်တည်းသာ အလုပ်အဖွဲ့ထဲတွင် နှစ်ဆအလုပ်လုပ်လေသည်။ လယ်ထွန်၊ပျိုးကျဲ၊ ပေါင်းသင်၊ မြေဩဇာထည့် အကုန်လုံးသူမသာလုပ်ရသည်။
ကောက်ပဲသီးနှံများကြီးထွားလာလျှင် ဆောင်းဦး၌ရိတ်သိမ်းပြီး ရိုးတံများကိုဖြတ်ကာ စပါးများကိုခြွေလှေ့ရသည်။
YOU ARE READING
အခန်းဆက် ၃ ဗီလိန်ဇာတ်ညွှန်းကိုဖြဲပစ်မယ်
General Fictionအပိုင်း ၃၃၆ ကနေစပါမယ်ရှင့် wpကအခြဆိုအပိုင်း၁၅၀လောက်တောင်တင်မရချက်တေည့ဘူးerror ဖြစ်၂နေလို့😖
