Part 361
Sue Xing NwayNovember 28, 2022
Chapter 361
စိတ်ဂယောက်ဂယက်ဖြစ်နေသူမှာ လျန့်စီယုသာမဟုတ်ချေ။ လျန့်ယွမ်ချင်းလည်း ပါဝင်လေသည်။
ရဲစခန်းမှဖုန်းဝင်လာချိန်တွင် ဝမ်ဟွေက ဖုန်းမှားဆက်သည်ဟုပင် ထင်နေခဲ့၏။
“ရှင်ပြောတာ ကျွန်မအမျိုးသားက အမျိုးသမီးတစ်ယောက်နဲ့ရုန်းရင်းဆန်ခတ်ဖြစ်ပြီး လူသတ်မိခါနီးဖြစ်သွားတယ်...ဟုတ်လား...”
“အဲ့ဒီ့အမျိုးသမီးက လေးလွှာကပြုတ်ကျသွားပြီးတော့ အခုအရေးပေါ်ခန်းမှာ အသည်းအသန်ဖြစ်နေတယ်ပေါ့...”
“ရှင်တစ်ခုခုလွဲနေတာဖြစ်မှာပါ...ကျွန်မအမျိုးသားက ဆေးရုံမှာပဲရှိသေးတာ...သူကဘယ်လိုလုပ်ပြီးတခြားလူတွေကိုပြသနာဖြစ်စေမှာလဲ...”
“အခုကဆေးရုံမှာပါ...သူက လူနာလာတွေ့တဲ့လူကို ထိခိုက်စေခဲ့တာပါ..."
ဝမ်ဟွေက မျက်မှောင်ကြုတ်လိုက်သည်။ ထို့နောက် ဌာနသို့သွားရောက်အတည်ပြုရန် ပြင်ဆင်လိုက်၏။
အကယ်၍အရာအားလုံးသာအမှန်ဖြစ်ပါက သူမအနေဖြင့် လျန့်ယွမ်ချင်းကို ထောင်ထဲသို့ထည့်နိုင်ပြီဖြစ်သည်။
…သူမမျှော်လင့်ထားသလိုပင်။
ဝမ်ဟွေက လျန်ယွမ်ချင်းကိုကြည့်ရင်း အတန်ကြာသည်အထိ စကားတစ်ခွန်းမှထွက်မလာခဲ့။ ယခုအချိန်တွင် သူ သူမအားမသတ်ပဲ အသက်ရှင်ခွင့်ပေးခဲ့သည်ကိုပင် ကျေးဇူးတင်ရမလိုဖြစ်နေသည်။သို့မဟုတ်ပါက အရေးပေါ်ခန်းတွင်လှဲနေရမည့်လူမှာ သူမဖြစ်သွားနိုင်သည်။
“ဝမ်မိသားစုက ရှင့်ကိုကာကွယ်ပေးမှာမဟုတ်ဘူး...”
ကုမ္မဏီကိုတစ်ယောက်ထဲဦးစီးနေရခြင်းကြောင့်ဖြစ်လိမ့်မည်။ ဝမ်ဟွေက ပို၍ရင့်ကျက်လာ၏။
“ရှင့်လုပ်ရပ်ကို ရှင်ကိုယ်တိုင်ပဲတာဝန်ယူရလိမ့်မယ်...ရှင်သေသေရှင်ရှင် ကျွန်မတို့ဂရုစိုက်မှာမဟုတ်ဘူး...”
စုံစမ်းစစ်ဆေးမှုကာလပြီးသည့်နောက်တွင် ကုမ္မဏီရှိစာရင်းများမှားယွင်းနေသည်ကို ဝမ်ဟွေတွေ့ရှိခဲ့သည်။
YOU ARE READING
အခန်းဆက် ၃ ဗီလိန်ဇာတ်ညွှန်းကိုဖြဲပစ်မယ်
General Fictionအပိုင်း ၃၃၆ ကနေစပါမယ်ရှင့် wpကအခြဆိုအပိုင်း၁၅၀လောက်တောင်တင်မရချက်တေည့ဘူးerror ဖြစ်၂နေလို့😖
