Part 406
Sue Xing NwayDecember 03, 2022
Chapter 406(Extra-43)
ကျောင်းအုပ်ကြီးက သူမကိုခြောက်လှန့်လိုက်သော်လည်း ၎င်းက ခြိမ်းခြောက်ရုံသာဖြစ်သည်။ သင်သာ ရွာပြင်ထုတ်ခံရပါက သင်၏မွေးရပ်မြေမှထွက်သွားရမည်ဖြစ်ကာ ဘယ်လိုသွားရမလဲမသိဖြစ်ပေလိမ့်မည်။ သို့သော် ၎င်းတို့က အရင်ကကိစ္စများသာဖြစ်ပြီး ယခုအချိန်တွင် ပိုမို၍ စည်းကမ်းရှိလာပြီဖြစ်သည်။ ရွာပြင်ထုတ်ခံရသည်ဟူသော စည်းကမ်းကမရှိတော့သော်လည်း ကလေးတစ်ယောက်ကိုခြောက်လှန့်ရန်အတွက် လုံလောက်ပေသည်။
ကျန်းယွဲ့က ဖြူဖျော့သွားပြီး ချက်ချင်းငိုချလာသည်။
"ကျောင်းအုပ်ဆရာကြီး... သမီးမှားမှန်းသိပါပြီ... နောက်ဆိုထပ်မလာတော့ပါဘူး... ရွာလူကြီးကိုမပြောပါနဲ့... အမေ့ကိုလည်းမပြောပါနဲ့နော်.. သမီးမှားမှန်းတကယ်သိပါပြီ..."
သူမ ပြင်းပြင်းထန်ထန့်ငိုကြွေးနေပြီး ဤကိစ္စကဤမျှပြင်းထန်မည်ဟုမထင်ခဲ့ပေ။
သူမသာ သူမရဲ့အမေနဲ့ မောင်လေးကိုဆွဲချမိသွားရင်ဘယ်လိုလုပ်မလဲ....
ကျောင်းအုပ်ကြီးက သက်ပြင်းချလိုက်လေသည်။
"ငါမင်းကို အရှက်ခွဲဖို့မရည်ရွယ်ပါဘူး... မင်းစာကောင်းကောင်းရေးနိုင်ကြောင်း ငါမြင်ပါတယ်... မင်းသာ စာသင်ဖို့ပိုက်ဆံပေးနိုင်ရင် ငါသေချာသင်ပေးနိုင်ပါတယ်... ဒါပေမဲ့ နေရာတိုင်းမှာစည်းမျဉ်းဆိုတာရှိတယ်လေ... မင်းကျောင်းတက်ချင်ရင် ကျောင်းရဲ့စည်းကမ်းကိုလိုက်နာရမယ်...."
သူမက ကျူရှင်ဖိုးမတင်နိုင်ပေ။
ကျန်းယွဲ့ ငိုကြေီးကာခေါင်းငြိမ့်ပြပြီး တောင်းပန်စကားသာဆိုရင်း ရုံးခန်းထဲမှထွက်ပြေးသွားလေသည်။
သူမဤနေရာသို့ ဘယ်သောအခါမှ ထပ်လာ၍မရတော့ကြောင်း ခန့်မှန်းမိလိုက်ပေသည်။
သူမသာ နောက်ထပ်တစ်ကြိမ် ပြစ်မှုကျူးလွန်ပါက ကျောင်းအုပ်ကြီးက သူမကိုအလွှတ်ပေးတောမည်မဟုတ်ပေ။
မူလက ကျန်းယွဲ့က စာလုံးတစ်ခုမှမသိဘဲ စာဖတ်ရတာ ပျော်ဖို့ကောင်းသည်ဟုမထင်ပေ။ သို့သော် ယခုတွင် သူမ၌ ဝေဝေဝါးဝါးမျှော်လင့်ချက်လေးရှိနေလေပြီ။
YOU ARE READING
အခန်းဆက် ၃ ဗီလိန်ဇာတ်ညွှန်းကိုဖြဲပစ်မယ်
General Fictionအပိုင်း ၃၃၆ ကနေစပါမယ်ရှင့် wpကအခြဆိုအပိုင်း၁၅၀လောက်တောင်တင်မရချက်တေည့ဘူးerror ဖြစ်၂နေလို့😖
