Part 363
Sue Xing NwayNovember 28, 2022
Chapter 363(Final)
တစ်ဖက်တွင် ယဲ့ကျားကျားနှင့်ကျန်းရှင်းဟွားက ပျော်ရွှင်စွာလက်ခုပ်ထတီးကြသည်။
"ရေး....ငါတို့လုပ်နိုင်ပြီ....ထပ်ဖောက်ရအောင်...ထပ်ဖောက်ရအောင်...”
မီးရှူးမီးပန်းများ၏အသံက ယွီချင်းရှီ၏အသံကိုဖုံးလွှမ်းသွားသည့်အတွက် ကျန်းရှောင်မန် ရှင်းလင်းစွာမကြားလိုက်ချေ။
သူမက တစ်ဖက်လူ၏မူမမှန်သော အမူအရာကိုကြည့်သည်။
“နင် ဘာပြောလိုက်တာလဲဟင်...”
“ဘာမှမဟုတ်ပါဘူး...”
သူက စိတ်ကောက်ပြီးဟိုဘက်လှည့်သွားသည်။ သူမအားကြည့်ပင်မကြည့်တော့...။
“ငါလည်းကြိုက်တယ်...”
ယွီချင်းရှီက သူနားကြားလွဲသည်ဟု တွေးမိလိုက်သည်။ ကောင်းကင်နှင်မြေကြီးပေါ်တွင် သူမ၏ ငါလည်းကြိုက်တယ် ဟူသောစကားသာ ကျန်ရှိတော့သလိုပင်။
ဘာကိုလဲ....သူ့ကိုလား...
“ဘာ...ဘာကိုပြောတာလဲ...”
ယွီချင်းရှီက အလွန်စိတ်လှုပ်ရှားနေကာ လည်ချောင်းပါခြောက်ကပ်ကပ်ဖြစ်လာသည်။ သူက တောက်ပစွာလောင်ကျွမ်းနေသော မီးရှူးမီးပန်းများကို လျစ်လျူရှုလိုက်ရင်း ကျန်းရှောင်မန်ပြောလာမည့်စကားကိုသာ ဂရုတစိုက်နားစွင့်လိုက်၏။
“မီးပန်းတွေလေ...”
ကျန်းရှောင်မန်က ပန်းပွင့်လေးလိုပြုံးလိုက်ရင်း ကောင်းကင်ယံကိုညွှန်ပြလိုက်သည်။
“ငါလည်းကြိုက်တယ်...”
အာ...
ယွီချင်းရှီ အနည်းငယ်စိတ်ပျက်သွားသည်။ သူ့တွင် သူမအားထပ်မံဖွင့်ပြောရန် အခွင့်အရေးရှိမရှိမသေချာပေ။
.....
ကောလိပ်ဝင်ခွင့်ဖြေရမည့်နေ့တွင် ရာသီဥတုက ပူအိုက်နေလေသည်။
တက္ကသိုလ်တက်ရသည်မှာ ကောင်းမွန်သည်ဟု ဆရာများ အမြဲပြောလေ့ရှိသည်။ လူတိုင်းက စာမေးပွဲတွင် ရလဒ်ကောင်းများရရှိစေရန်အတွက် အပြင်းအထန်ကြိုးစားနေကြလေသည်။
YOU ARE READING
အခန်းဆက် ၃ ဗီလိန်ဇာတ်ညွှန်းကိုဖြဲပစ်မယ်
General Fictionအပိုင်း ၃၃၆ ကနေစပါမယ်ရှင့် wpကအခြဆိုအပိုင်း၁၅၀လောက်တောင်တင်မရချက်တေည့ဘူးerror ဖြစ်၂နေလို့😖
