Part 408
Sue Xing NwayDecember 03, 2022
Chapter 408(Extra-45)
ဗိုက်ပြည့်နိုင်မှ အခြားသောအရာများကို တွေးရန်အချိန်ရှိမည်ဖြစ်သည်။
သူပါးစပ်ဟလိုက်သော်လည်း ဘာမှမပြောနိုင်ပေ။
ဆရာထန်က သက်ပြင်းချလိုက်ပြီး ကျန်းယွဲ့ကို ကျောင်းအုပ်ကြီးက မောင်းထုတ်လိုက်သည့်အကြောင်းကိုမပြောလေပဲ တခြားအရာသာပြောလိုက်သည်။
"ကျွန်တော့် ဇနီးက အခုမှကလေးမွေးပြီးတာရယ်... အခုကျွန်တော်တို့က စားသောက်နေထိုင်ဖို့ အတော်လေး အဆင်မပြေဖြစ်နေရတာ... ကျွန်တော်တို့က ကျောင်းမှာနေနေတော့ ကျွန်တော့်တို့ကိုကူပေးမယ့်လူလိုနေတယ်လေ... ကျွန်တော့်လစာကအရမ်းမမြင့်တော့ ဗိုက်ဝအောင်စားရဖို့ပဲလောက်တယ်ရယ်... ကျန်းယွဲ့က ဉာဏ်ကောင်းပြီး ခြေမြန်လက်မြန်ရှိတယ်လို့ ကျွန်တော်ထင်မိတယ်... သူ့ကို ရေပူရေအေးကမ်းပေးဖို့ ကူညီပေးဖို့ခေါ်ထားချင်တယ်... ကျွန်တော်အားတဲ့အချိန်မှာ သူ့ကိုစာရေးစာဖတ်သင်ပေးပါ့မယ်.... "
"အာ... ဒါက...."
ကျန်းဟွေ့မိန် မှင်သက်သွားရသည်။
ဆရာထန်ကလည်းဆက်ပြောသည်။
"ဟိုးအရင်က ကျွန်တော့်ရဲ့သွေးဝေးတဲ့တူလေးတစ်ယောက်က ကျောင်းမတက်ချင်ခဲ့ဘူးလေ... သူက ကျွန်တော်နဲ့အတူ ကျောင်းမှာ ခဏလာနေပြီး စာအုပ်တွေကိုကျွန်တော့်ဆီပစ်ထားခဲ့တယ်လေ... ကျန်းယွဲ့က ပြတင်းပေါက်နားကနေ ခိုးနားထောင်ဖို့မလိုတော့ပါဘူး.... ကျွန်တော့်နောက်ကိုသာလိုက်နေရင် အဆင်ပြေသွားမှာပါ...."
နောက်ဆုံးတွင် ကျန်းဟွေ့မိန်က နားလည်သွားလေပြီ။ ဆရာထန်က တကယ့်ကိုလူကောင်းတစ်ယောက်ပင်။
အပြင်က ကလေးများက ကျောင်းထဲသို့မဝင်နိုင်သော်လည်း ဆရာတစ်ယောက်၏အမျိုးဆိုပါက မတူတော့ချေ။
သူက ကျန်းယွဲ့ကျောင်းထဲဝင်နိုင်ရန် ဆင်ခြေတစ်ခုရှာပေးလိုက်ခြင်းဖြစ်သည်။
ရေပူရေအေးကမ်းဖို့မပြောလေနှင့် အခြားအခွင့်အရေးတစ်ခုရှိနိုင်သည်နှင့် ကျန်းဟွေ့မိန်က ကျန်းယွဲ့ကို ပို့ပေးမည်သာဖြစ်သည်။
YOU ARE READING
အခန်းဆက် ၃ ဗီလိန်ဇာတ်ညွှန်းကိုဖြဲပစ်မယ်
General Fictionအပိုင်း ၃၃၆ ကနေစပါမယ်ရှင့် wpကအခြဆိုအပိုင်း၁၅၀လောက်တောင်တင်မရချက်တေည့ဘူးerror ဖြစ်၂နေလို့😖
