Part 398
Sue Xing NwayDecember 03, 2022
Chapter 398(Extra-35)
အမှန်အတိုင်းပြောရလျှင် သူမကိုယ်တိုင်လည်း သူမ မိဘများ ဘယ်အချိန်ပြန်လာမလဲမသိပါချေ။
ကလေးနှစ်ယောက်က လိမ်လိမ်မာမာလေး ခြေလက်ဆေးကာ အိပ်ရာဝင်ရင်း သူတို့မိဘများကိုစောင့်နေလိုက်သည်။
ကျန်းယွဲ့က ကျန်းရှင်းကိုသေချာစောင့်ရှောက်ပေးနေ၍ ကျန်းရှင်းကတစ်ညလုံး မငိုသလို ကုတ်လည်းမကုတ်ပေ။
နောက်တစ်နေ့ မနက်ခင်းအစောကြီးအထိစောင့်ပြီးမှ ကျန်းယွဲ့က ပြေးလာသံများကြောင့်နိုးလာရသည်။
ခြံဝန်းကလင်းထိန်နေပြီဖြစ်ပြီး ပြတင်းပေါက်တွင် မီးတုတ်များ၏အလင်းရောင်များမြင်လိုက်ရသည်။ ပြတင်းပေါက်ပေါ်တွင် လူများစွာ၏အရိပ်များရှိနေပြီး အပြင်ဘက်၌ လူတစ်အုပ်က မတ်တတ်ရပ်နေကြသည်။
ငိုယိုသံ ချော့မော့နေသံများလည်းရှိ၍ အသံမျိုးစုံဖြင့်ဆူညံနေလေသည်။
ကျန်းရှင်းက အိပ်ပျော်နေကာ မျက်စိပွင့်မလာပေ။ ကျန်းယွဲ့က သူမဘာသာအိပ်ရာထဲမှထပြီး ခြံဝန်းထဲပြေးထွက်သွားသည်။ သူမ၏ အမေက တခြားလူတစ်ယောက်ပေါ်တွင် မှီကာ ကျယ်လောင်စွာငိုကြွေးနေကြောင်းမြင်လိုက်ရသည်။
ခြံဝန်းအလယ်တွင်ရှိနေသည်မှာ သူမ၏အဖေဖြစ်လေပြီး ပိတ်စအဖြူဖြင့် ဖုံးလွှမ်းခံထားရလေသည်။
သူက လှုပ်ရှားမှုကင်းမဲ့နေပြီး ပေါ်ထွက်နေသော ခြေလက်များတွင် သွေးတို့စွန်းထင်းနေကာ ဒဏ်ရာများကလည်း စိတ်မချမ်းမြေ့ဖွယ်ရာကောင်းအောင် ပြည့်နှက်နေသည်။
ကျန်းယွဲ့၏စိတ်က ခေတ္တခဏဗလာဖြစ်သွားကာ သူမအဖေဆီပြေးဝင်သွားပြီး အော်ဟစ်ငိုယိုလေသည်။
ဘယ်လိုလုပ်ဖြစ်နိုင်မှာလဲ....
သူမ အဖေထွက်မသွားခင်က သူမကိုပြုံးပြခဲ့ပြီး လိမ်လိမ်မာနေခဲ့ပြီး သူပြန်လာပါက ပုရစ်အတူသွားဖမ်းကြမည်ဟုပြောခဲ့သေးသည်။
ဘာလို့ ရုတ်တရက်ကြီးထွက်သွားရတာလဲ....
ကျန်းယွဲ့က ငယ်ရွယ်သေးသော်လည်း အစောကြီးသိတတ်နေပြီဖြစ်သည်။ လူကြီးများထံမှတဆင့် သူမအဖေက တောင်ကျချောင်းရေထဲမျောပါသွားခဲ့ပြီး ပျောက်သွားခဲ့ကြောင်းသိခဲ့ရသည်။ ၎င်းက ကံဆိုးသွားသည်ဖြစ်သည်ဟုပြောရင်း သက်ပြင်းချနေကြလေသည်။
YOU ARE READING
အခန်းဆက် ၃ ဗီလိန်ဇာတ်ညွှန်းကိုဖြဲပစ်မယ်
General Fictionအပိုင်း ၃၃၆ ကနေစပါမယ်ရှင့် wpကအခြဆိုအပိုင်း၁၅၀လောက်တောင်တင်မရချက်တေည့ဘူးerror ဖြစ်၂နေလို့😖
