Part 403
Sue Xing NwayChapter 403(Extra-40)December 03, 2022
မထင်မှတ်ထားစွာဖြင့် ကျန်းဟွေ့မိန်က ဘာမှပြောမလာပေ။ သူမကိုအကြာကြီးကြည့်ပြီးမှ သက်ပြင်းအရှည်ကြီးချကာ ပြောလာသည်။
"အမေတို့မှာ အရည်အချင်းမရှိတာကိုပဲအပြစ်တင်ရမှာပေါ့... အကယ်၍ အမေ့မှာသာ အရည်အချင်းရှိခဲ့ရင် သမီးက ဒီလောက်ငယ်ငယ်လေးနဲ့ ဘယ်လိုလုပ် ခက်ခက်ခဲခဲအလုပ်လုပ်လို့ရမှာလဲ... ရွာလူကြီးရဲ့ကလေးက ကျောင်းမှာမဟုတ်လား... ရွာရဲ့လုံခြုံရေးခေါင်းဆောင်ရဲ့ ကလေးကရော ကျောင်းမှာပဲ... မိသားစုထဲမှာ ကျောထောက်နောက်ခံရှိတဲ့ လူတိုင်းရဲ့ကလေးတွေကလည်း ကျောင်းမှာပဲ.... ငါတို့အတွက်စာသင်ဖို့ဆိုတာ ခက်ခဲသလို မျှော်လင့်လို့မရတဲ့အရာမျိုးပဲ... အစက သမီးအဖေနဲ့အမေက သေချာတွေးထားကြပြီး နောက်နွေရာသီဆိုတာနဲ့ သမီးကိုကျောင်းထားကြတော့မလို့.... အဲ့လိုဆိုရင် သမီးစာလုံးတွေဖတ်တတ်ပြီး ဘယ်လိုရေတွက်ရမလဲဆိုတာသိရင် သမီးကြီးလာရင် ရွာရဲ့ထုတ်လုပ်ရေးအဖွဲ့ထဲမှာအလုပ်ဝင်လုပ်နိုင်လိမ့်မယ်လို့ တွေးခဲ့ကြတာ.... ဒါပေမဲ့ သမီးအဖေရဲ့ အသက်ကဒီလောက်တိုလိမ့်မယ်လို့ ဘယ်သူထင်ခဲ့မှာလဲ...."
ကျန်းယွဲ့က သူမအမေက မဆူကြောင်းသိလိုက်ရ၍ တိုးတိုးလေးပြောလေသည်။
"သမီးကျောင်းမတက်ချက်တော့ပါဘူး... စာလည်းမသင်ချင်ဘူး... အမေနဲ့ပဲအတူနေချင်တာ..."
ကျန်းဟွေ့မိန်က သူမပြောတာနားမထောင်ဘဲ ဒေါသတကြီးနှာမှုတ်လေသည်။
"ကိုယ့်ဘာသာ ဘာပြောလိုက်လဲကောသိလား... ရွေးချယ်စရာမရှိရင်လည်းထား... ဒါပေမဲ့ ရွေးချယ်စရာရှိနေတာကိုတောင် ဒီလိုပြောတော့ ငါနင့်ကိုသတ်မိလိမ့်မယ်... နင်ကတကယ်ကြီး ရွံ့ခင်းတဲ့လမ်းကိုလျှောက်ချင်နေတာလား...."
ကျန်းယွဲ့ ထိတ်လန့်သွားပြန်သည်။
"ထားလိုက်တော့.... ငါနင့်ကိုရှင်းရှင်းလင်းလင်းပြောပြလို့မရဘူး...."
ကျန်းဟွေ့မိန်က သက်ပြင်းထပ်ချလိုက်သည်။
"အလုပ်ရမှတ်အရဆုံးလူကို သမီးမြင်လား.... ဒါဆို ဘာလို့များ ဦဘာအလုပ်မှလုပ်စရာမလိုဘဲ အလုပ်ရမှတ်တွေ ဒီလောက်ရနေတာလဲဆိုတာကောသိလား.... ဘာလို့လဲဆိုတော့ သူကစာသင်ဖူးလို့ပဲမဟုတ်လား... ငါသာစာလုံးတွေကိုသိလို့ကတော့ ဟမ့်...."
YOU ARE READING
အခန်းဆက် ၃ ဗီလိန်ဇာတ်ညွှန်းကိုဖြဲပစ်မယ်
General Fictionအပိုင်း ၃၃၆ ကနေစပါမယ်ရှင့် wpကအခြဆိုအပိုင်း၁၅၀လောက်တောင်တင်မရချက်တေည့ဘူးerror ဖြစ်၂နေလို့😖
