Part 375
Sue Xing NwayDecember 03, 2022
Chapter 375(Extra-12)
ကျန်းရှောင်မန် ဖက်ထုပ်ကိုနှစ်ကိုက်ကိုက်ပြီးသည့်နောက်တွင် မျက်နှာချင်းဆိုင်မှ ယွီချင်းရှီထံအကြည့်ရောက်သွားသည်။ ယွီချင်းရှီက ဇွန်းကလေးကိုင်ရက်သားနှင့် သူမကိုငေးကြည့်နေရှာသည်။
သူ...ရှောင်လုံးပေါင် စားချင်လို့များလား...
ကျန်းရှောင်မန်က သူ့ကိုလက်ယပ်ခေါ်လာသည်။
"ဒီကိုလာ...”
မသိရင်သူက သူမရဲ့ခွေးကလေးကျနေတာပဲ...
ယွီချင်းရှီက စိတ်ထဲတွေးလိုက်ကာ သူမထံသို့နာခံစွာသွားလိုက်ပြီး ဘေးခုံတွင်ဝင်ထိုင်လိုက်သည်။
"အာ...”
ကျန်းရှောင်မန်က သူ့ကိုပါးစပ်ဟခိုင်းလိုက်သည်။
ယွီချင်းရှီ ခဏတုံ့ဆိုင်းသွားကာ ပါးစပ်ဟပေးသည်။
"အာ...”
ပါးစပ်ဟပေးခြင်း၏ဆုအနေဖြင့် ကျန်းရှောင်မန်စားနေခဲ့သည့် ဖက်ထုပ်ကိုချီးမြှင့်ခံလိုက်ရ၏။
"စားလို့ကောင်းလား...”
ယွီချင်းရှီခေါင်းညိမ့်လိုက်သည်။
သူမ ခွံ့ကျွေးတော့ပိုကောင်းတာပေါ့...
ယွီချင်းရှီက ပျော်ရွှင်စွာအစာစားနိုင်သည့်နည်းလမ်းကိုရှာတွေ့သွားသည်။ သူထပ်စားချင်သော်လည်း သူ့ဟာသူယူမစားချင်ပေ။ သူက အရောင်တောက်နေသောမျက်ဝန်းများဖြင့် ကျန်းရှောင်မန်ကိုတစ်လှည့် ရှောင်လုံးပေါင်ကိုတစ်လှည့်ကြည့်နေသည်။
ကျန်းရှောင်မန်က သူ့အကြည့်ကိုနားလည်စွာဖြင့် နောက်တစ်ခုထပ်ခွံ့ကျွေးလိုက်၏။
ယွီချင်းရှီကိုကြည့်ရသည်မှာ အလွန်ကြိုက်နှစ်သက်ပုံပေါ်သည့်အတွက် ရှာလကာရည်ဆော့စ်ကိုထပ်ယူလိုက်သည်။ ထို့နောက် သူ့အားနောက်တစ်လုတ်ထပ်ခွံ့ကျွေးလိုက်၏။
ငယ်ရွယ်သောစုံတွဲလေးက တစ်ဦးနှင့်တစ်ဦးအပြန်အလှန်ခွံ့ကျွေးနေကာ လိုက်ဖက်ညီသောလေထုကိုဖန်တီးနေလေသည်။ လေထုထဲတွင် အသည်းပုံပူဖောင်းကလေးများ ဝဲပျံနေသလိုပင်။
ESTÁS LEYENDO
အခန်းဆက် ၃ ဗီလိန်ဇာတ်ညွှန်းကိုဖြဲပစ်မယ်
Ficción Generalအပိုင်း ၃၃၆ ကနေစပါမယ်ရှင့် wpကအခြဆိုအပိုင်း၁၅၀လောက်တောင်တင်မရချက်တေည့ဘူးerror ဖြစ်၂နေလို့😖
