كل ليلة تزيّن قصيدي ذهبك

بارت 48

غمز لها تميم بضحكه : رجال عشان اتزوج بنت عمي متعب
ام سعود ضحكت وهي تمسك تميم وتجلسه بحضنه : يا هالبنت الي ماندري منهي امها للحين
ضحكت انهار وكذلك نجد ناظرو بعضهم وفهمو بعضهم واسيل ابتسمت بضحكه عرفت وش الي يفكرون فيه نجد وانهار ام سعود ناظرتهم باستغراب ضيقت عيونها عليهم : شفيكم تناظرون بعضكم وراكم بلا
انهار ناظرت نجد وشهقت : افا ورانا بلا يا اختي؟
نجد هزت راسها بالنفي تكتم ضحكتها : لا وانا اختس
ام سعود ولا زالت مضيقه عيونها عليهم : والله ماصدقتي يا زوجة تميم
طارت عيون نجد بصدمه توردت ملامحها بالخجل مشت بسرعه المطبخ ناظرو لها وضحكت انهار بصدمه : لااااا عاد تمزح ذي !!
اسيل ضحكت : حرام استحت ياروحي هي
ام سعود كاتم ضحكتها : عشتو ماعرفتها وهي مستحيه

-
« في قطـر »
متعب بسيارة الفريق متجهين للمهمة وجالس يتناقش مع حمد وبالجهاز اللاسلكي على عقاب بالمقعد الخلفي سيهام تناظر متعب برفعة حاجب وضحكت بصوت هامس بسخرية : شكلنا مابنطلع من المهمة الا وحنا خسرانين
التفت متعب بحده عليها لكن صاد النظر عنها نطق رفعة حاجب : ماهو متعب الي يرجع خسران ولا اسمح لاي شخص يخرب خطة الفريق واذا انتي تظنين ان بنطلع خسرانين فذا يدل على قلة الثقة الي فيتس
سيهام انذهلت من رده وربعت يدينها تناظر الشباك
ضحك متعب بسخرية بعد ما سمع صمتها وناظر حمد يهز راسه بالسخرية : ذي كيف صارت عضوة بـ استخبارات الوطنية السرية !
حمد ناظر سيهام وتنهد : تكفى مانبي اي مشاكل نبي ننجز المهمة وسيهام بنت شاطره ومعروف انجزت مهمات وايد
وصلوا للوجهة الاولى نزل متعب بعد ما اتفقوا بالخطة ان متعب يدخل بينهم على انه فرد جديد بينضم للعصابة وقفوا بعيد عن المقر المشتبه فيه لوجود العصابة فيه ونزل متعب وهو يحط اجهزه التنصت والتسجيل والكاميرات بنظارة وبيده شنطه فيها مبلغ مالي حمد ناظر متعب واربت على كتفه : انت قدها وقدود اقدم وادخل بينهم لا تحسسهم بشيء وتذكر كل شيء خططناه
هز راسه متعب بالايجاب ونزل من السيارة ولابس سترة جلدية باللون البني وبنطلون اسود وتيشيرت ابيض ونظارات ومعاه الشنطة نزل وهو يدخل من الباب و ناظرو له الحراس الي موجودين حول الباب نطق واحد من الحراس برفعة حاجب : نعم عندك موعد مسبق يا الطيب ؟
متعب نطق وهو يكتف يدينه : ما يحتاج موعد قوله يوسف ال راعد وبيعرفوني
هز راسه الحارس ودخل يعلمهم وقدرو يسمحون له يدخل دخل متعب وابتسم وهو يضحك جزء من الخطة : وينك يا غايب ما تسال عن ربعك هاه ؟
ضحك رئيس العصابة " مصعب " وهو يرحب متعب المعروف عندهم وبالخطة " يوسف ال راعد " : احب يمرحبا كيف الحال
متعب بادله السلام والترحيب : تبقى وتحيا حالي يسرك عطني احوالك يا رجال
مصعب الي كان يحاول يتذكر يوسف صديقه بالابتدائي والمتوسط لكن صار يجهل ملامحه بس يتواصل معه بالجوال : مثل منت شايف عايش حياتي ومتهني
متعب ابتسم وهو يحط الشنطة على الطاولة : وانا جاي وجايب معي الغنايم
مصعب وهو يشم ريحة الفلوس فرحه سحب الشنطخ وفتحها وشاف المبالغ والفلوس الكثيره شهق مصعب بذهول وصدمه : واووو وش هذا !!
متعب ضحك بسخرية ونطق : هالمبلغ لك بس بشرط واحد
عقد حاجبيه مصعب ونطق بسرعه : اعتبر شرطك موافق
ابتسم متعب برفعة حاجب : ابي انظم للعصابة
مصعب بدون تفكير وبتسرع : تم اعتبر نفسك عضو من هاليوم
اعتدل بوقفته متعب وهو يقوم ويناظر مصعب لبس نظارته وقام معاه مصعب : وين وين تو الناس ما ضيفناك حتى
متعب هز راسه بالنفي : لا ولا يهمك بس عندي اشغال لازم اخلصها تعرف الوالد  ممسكني الفندق الي هنا ولازم اكون موجود
مصعب هز راسه بالايجاب واربت على كتف متعب : اذا احتجت شيء مني مناك حراس مساعدة ترا انا حاضر انت خويي من الابتدائي وتبشر بكل شيء
متعب بينه وبين نفسه بسخرية نطق : عبد فلوس الرخمه وعى على نفسه ونطق : تم يلا سلام
سلم وطلع برا البيت مشى ايبتعد عن الانظار و ركب السيارة وهو ينزل السترة من عليه وتنفس بسرعه ناظر له حمد وكذلك سيهام الي ناظرت له برفعة حاجب بلعت ريقها من شافت كتوف متعب الي برزت نطق حمد : هاه بشر شفتهم ؟
هز راسه متعب وهو يشرب مويه : ايه وافقو اكون عضو منهم من شاف الفلوس حطني على راسه ابن الذين
حمد مسح على شنبه : بداية الخير باذن الله قادرين عليها
حركوا السيارة متجهين للمقر الرئيسي وبعد ساعه وصلوا للمقر نزل متعب ونزلو كلهم نطق متعب لحمد : انا بجلس بالحديقة بروحي تمام اذا بغيت شيء علمني
حمد هز راسه : تم خذ راحتك
مشى متعب للحديقة وجلس بالكرسي طلع علبة الدخان و شغلها وهو ينفث الدخان من فمه تنهد وهو يرجع يدينه على راسه ويفكر باهله و ورّد وبالمهمة