Uni
" ဒေါက် ဒေါက် ဒေါက် "
" ဘိုးဘိုး ကျွန်တော်ရောက်ပြီဗျ "
စာဖတ်ခန်းအဝမှ တံခါးကိုခေါက်ရင်း အသာဖွင့်ကာ အသံပြုလိုက်ပါသည်။ ဦးရောင်ထည်က စာအုပ်တစ်အုပ်ကို ဖတ်ရှုနေရာမှ မျက်လွှာပင့်ကြည့်၏။ ရွက်သစ်ပုံနှိုင်းကိုမြင်လျှင် စာအုပ်ကိုချထားလိုက်သည်။
" လာ ဝင်ခဲ့လေ မောင်ရွက်သစ် "
ဦးရောင်ထည်က စာဖတ်စားပွဲမှထလာပြီး အခန်းတွင်းရှိ ကျွန်းဆက်တီတွင် ထိုင်သည်။ ရွက်သစ်ကိုလည်း ထိုင်ရန်လက်ဟန်ပြ၏။ ရွက်သစ်လည်း ရိုရိုကျိုးကျိုးပင် ဝင်ထိုင်လိုက်သည်။
" ဘိုးဘိုးကျွန်တော့်ကို ပြောစရာရှိလို့လားဗျ "
ဦးရောင်ထည်က မေးစေ့ကို လက်ဖြင့်အသာပွတ်ရင်း ငြိမ်နေသဖြင့် ရွက်သစ်ကသာ စကားစလိုက်ရသည်။ ယခုနောက်ပိုင်းတွင် ဦးရောင်ထည်က အပြင်ထွက်ခြင်းနည်းလာပြီး အိမ်တွင်သာ အနေများလာသည်။ သွားစရာရှိပါကလည်း ဓနကိုခေါ်သွားလေ့ရှိပြီး ဓနကိုမမြင်သည်နှင့် ချက်ချင်းမေးမြန်းလာလေ့ရှိ၏။
ထိုအပြုအမူက ထူးဆန်းနေပါသော်လည်း ဦးရောင်ထည်က ပုံမှန်အပြုအမူတစ်ခုနှယ်သာ ပြုမူနေလေရာ သူတို့လည်း အမှုမဲ့အမှတ်မဲ့သာ နေဖြစ်ကြသည်။
" မောင်ရွက်သစ် အခုထိ မြေးဓနရဲ့ ဖူးစာဖက်ကို မတွေ့သေးဘူးလို့ ပြောတယ်နော် "
" ဟုတ်ကဲ့ ဘိုးဘိုး "
" ဒါဖြင့် ဘိုးဘိုးက လူတစ်ယောက်ကိုခေါ်လာပြီး ဓနရဲ့ဖူးစာဖက်ဟုတ်မဟုတ်ကိုရော စစ်ဆေးကြည့်ခိုင်းလို့ရမလား "
"..... "
ရွက်သစ် နှုတ်ဆိတ်သွားရသည်။ ခက်သည်က သူ ယခုအချိန်အထိ ဓန၏ ရင်ခုန်သံကို မကြားနိုင်သေးခြင်းပင်။ ထို့အပြင် သူ့ရင်ထဲမှ ဓနအတွက် ခံစားချက်များကို မဖြစ်သင့်ဟု ထင်ကာ ပြန်မျိုသိပ်ထားခဲ့ရသည်။ အဆင်ပြေသည်တော့မဟုတ်။ အဆင်ပြေအောင် နေရခြင်းပင်။
" မရဘူးလား မောင်ရွက်သစ် "
ဦးရောင်ထည်က ထပ်မံမေးသည်။ ရွက်သစ်က မဖြေသဖြင့် အားမလိုအားမရဖြစ်နေခြင်းလည်း ဖြစ်၏။ ကိုယ်ကြီးကိုပင်ရှေ့တိုးလာကာ
YOU ARE READING
My Sweetheart Cupid
Randomဒုတိယမြောက် BL Myanmar လေးပါ Start - 11.3.24 End - 13 .6.24
