exclusive rights to an online voice actor

ch 36

Tissue ဆောင်ထားပါ...

Trigger warning: ကလေးညှင်းပန်းနှိပ်စက်မှုများပါဝင်သည်။

       

       
မင်းရဲ့အသံကို ထောင်သောင်းပေါင်းများစွာ‌ကလူတွေကိုပါ ကြားစေချင်တယ်။

              
ဒီလိုစကားမျိုးက တစ်ယောက်ယောက်သူ့ကို လာမပြောဖူးတာမျိုးတော့မဟုတ်။

သို့ပေမယ့် ဒီလူတွေထဲမှာက၊  ‘ရှန်ယန့်’ဟူသော အစစ်အမှန် လူအား ပြောလာသော ပထမဆုံးသောလူက ချီကျင့်ပင်။

သူ့လက်ထဲက ဒိုင်ယာရီ စာအုပ်မှာ ဇာတ်ညွှန်းမဟုတ် ထို့ပြင် သူဘာဇာတ်ကောင်ကိုမှ သရုပ်ဖော်ခြင်းမဟုတ်။အရာအားလုံးအား မဖုန်းကွယ် မသွယ်ဝှက် ရေးသားထားကာ- သူ့ရဲ့ အစစ်မှန်ဆုံးသော အရာကိုသာ ရေးထားခဲ့လျက်။

ဘာပဲဖြစ်ဖြစ်ပါ၊ ချီကျင့် က သူ့အပေါ် မျှော်ထင်ထားပုံရတယ်…
       
သူ့အသံက ရပ်တန့်သွားတယ်။ပြောစရာမရှိတာမျိုး မဟုတိဘဲ ပြောဖို့ရာ အသံကြိုးတွေက အားအင်မရှိကာ ရပ်တန့်သွားသဖြင့်သာ။ ဆို့နင့်နေသကဲ့သို့ပင်။
       
ချီကျင့် ရဲ့လက်ချောင်းလေး ကုတ်ခြစ်ခဲ့ရာမှ ရှန်ယန့်က သူ့ရဲ့ လက်ကို တင်းတင်းကြပ်ကြပ်ဆုပ်ထားခဲ့လျက်။ ထို့နောက် သူရဲ့ ဆုပ်ကိုင်မှုမှာ တဖြည်းဖြည်း တင်းမာလာပြီး ခိုင်ခံ့လာတယ်။

       
လက်ချောင်းတစ်ချောင်ထဲနှင့် ဆုပ်ကိုင်ထားလို့ နည်းနည်းရယ်ချင်စဖွယ်။ ရှန်ယန့် က တင်းကြပ်စွာ ဆုပ်ကိုင်လိုက်၍ အနည်းငယ်နာသွားတာကြောင့် မျက်ခုံးများ ကျုံလိုက်ပြီးနောက် ရှန်ယန့်ကို ပြုံးပြလိုက်လေတယ်။

     
တစ်ခုခုပြောမလို့ လုပ်စဉ် သူတို့အကြည့်များဆုံသွားတဲ့အခိုက်တွင် သူ့အပြုံးမှာ ရပ်တန့်သွားခဲ့တယ်။

ရှန်ယန့်ရဲ့ အနောက်က ကြမ်းပြင်က အလင်းကြောင့် အရိပ်ကျနေကာ ရှန်ယန့်ရဲ့ အမူအယာအား မြင်နိုင်ရန် ခဲယဉ်းလှတယ်။ ချီကျင့်သိတာက ရှန်ယန့် မျက်ခုံးတွေက ကောက်ကွေးနေပြီး သူ့ မျက်လုံးတွေက တစ်ခုခုကို သည်းခံထားရသကဲ့သို့နက်မှောင်လျက်ရှိတယ်။