#طشت_خرز
كنوز القحطاني
رايه
جرعتك ياصبر رغم المرار البيك
وكالولي الصبر للفرح مفتاح
يادنيا بعد ما بيه كل حيل
خلص عمري عذاب شوكت ارتاح
اصبح بصوت والدمعات بالعين
ومحد يسمع المهموم لو صاح
اريدك هسه يمي وليش ما جيت
تعال وخلي كل الحزن ينزاح
ذبل عودي بغيابك والهجر طال
وكلشي حلو بيه من رحت راح.
*******************************
رايه :: رجع ولي الله من بيت عاكف علمود يوصل مريم لبيت أهلها مهما وگفنا وياها مهما ساعدناها البنيه محتاجه أهلهاو امها بذات خطيه تعاين و عيونها مدمعه خاصة حالتها
النفسيه و العقليه تعبانه كلش
رايه : صدك مو خليل بعد برا لسه ما لزموا خاف ترجعها و ياخذها
ابتسم بنفث الدخان
ولي الله :- اي خل ياخذها اني اريده ياخذها
_ ع شنو ناوي ضحكتك مو لله
_ ع خليل
_ ولي الله لاتروط نفسك قدمت الادله و كلشي بيد الشرطه وين يروح يعني جم يوم يلزم وياخذ جزاته
_ اممم
_ شنو اممم مو دا احجي وياك
_ اي مو كتلج اي شسوي بعد
_ ترى مو زعطوطه گدامك ولي احجي ليش تريد توديها لأهلها وهنا أأمن الها اقلها اذا اجه منا بيت نهروان بيت حمزه
رفع راسه الي مضيق عيونه سحب نفس من الجكاره بضيج
_قصدج بيت ام حمزه
تاففت بملل
_ اي خاله صفيه يمنا هنا وعلي بس يدك الباب خليل تهبده بالكرك ع راسه واني اربطه نسلمه لصدام مجتف
ضحك حاوط كتفي بيده يضم راسي لصدره بحنان
_ صايره سباعبه بنتي
غوركت عيوني ع كلمة بنتي عمري كله ما سمعتها من أبويه اول مره اسمها من ولي الله
_ تدري صدك انت ابويه اني ماعندي ابوه غيرك انت ربيتني انت خفت عليّ انت كلشي الي
باس راسي و صعد لغرفته
اجت مهره و نهروان جايبات ملابس أطفال و هدايه لطفل شالته مهره و طاحتله دك بوس
رايه :- اكلج كافي خده راح ينشلع والله شبيج ما شايفه
عاينت الي بلامبالاة و رجعت باسته من خده الثاني حيل
مهره :- لا ما شايفه اني أصغر وحده و حمزه خطيه اخوج كاطع نصيبه
رايه :~ واخويه شعليه
غمزه بعينها تضحك
مهره :- اي خطيه ماعليه بس يريد اخته تدرس ياله تتزوج
