أنا الأدله المُبعره التي تحيط بالجثه وأنا حتى ذلك الطفل
في آخر القاعه لايعرف ماذا يحصل وماهي القضيه وأنا
شهود العيان في لحظة ارتكاب الجريمة الي
قُتلتُ فيها.............
بابل في أحد مناطق الحله الريفيه
طريق ترابي من الجانبين نخل و زرع وصلنا البيت طبگ السياره گدام الباب ميل جسمه لگدام و سند اديه ع الستيرن ضل دقايق ع نفس الوضع بدون ما ينطق حرف وأحد
تنهد أكثر من مره بصوت مسموع عدل جسمه و ريح ظهره ع كشن ينقر بأطراف بأصابعه ع جلد الستيرن وعاگد مابين حواجبه مضيق عيونه بتفكير مال بجسمه عليَّ
فتح الجكمجه طلع علبه صغير فتحها بيها حلقه ذهب سحبها من مكانها لازمها بين السبابه و الابهام و مدها الي فتحت
ايدي ذبها براحة أيدي سوه حركة السحابه بأصابعه ع شفايفه و نطق بأقتضاب و صوت أجش
_ أي أحد يسئلج ماتجاوبين ع أي سؤال شيسئلوج ماعرف فهمتي
فرگت اديَّ وحده بالثانيه حيل بتوتر و شلعت الجلد من طرف اظفري من الارتباك هزيت راسي اله بـ اي واني مدنگه راسي فزيت ع ايده من لزم حنكي ورفع راسي صرت مقابيله
_ من احجي وياج ردي گولي اي،، لا.. مو تهزين راسج مثل البهيمه
ترك وجهي نزل من السياره نزلت ورا فتح الجنطه طلع جنطة ملابسي باب بيتهم مفتوح بس بي برده من جوه رفعها و دخلنا أصواتهم طالعه لبرا من دخلنا من باب المطبخ صار كدامنا
