#طشت_خرز
كنوز القحطاني
ولي الله
انه نغشيت لا تحسبني مغلوب
*******************************
رايه :: ثگل جسمه كل صار عليَّ ارتخت اديَّ و وكعت بعد ما جنت ادفعه عني جسمي كله تخدر عيوني غواش و ضباب و الغرفه احسها تفتر بيَّ و الألم بصدري مثل سجينه
تحفر بگلبي صوت الرمي و الطلق سوه طنين باذني نزلت عيوني شفته الضابط نفسه واكفه بالباب يترامه وياهم وهو گاعد و مرتجي ع حايط شهكت بصوت عالي اريد
اسحب النفس ماكو اجر الهوي بس مايدخل ريتي روحي تنسحب مني ع كيف ثگلت جفوني اريد انام اريد اموت و الخوفي منتشر بكل خليه بجسمي خوف يگتلون الضابط
و يجون يكملون الي بدوا بي و ياخذون شرفي حسيت الدنيا واگفتلي ابلعومي ماكدر بعد النفس شح بيّ و الألم زرف گلبي زرف سمعت صوته يصيح بحرگه گلب وشاله عني
ماشفته عيوني ضباب بس صوته كافي عليَّ صرت ع البر اني بأمان هسه بعدها ما حسيت بشي
اسيا :: تمر الساعات مثل الدهر علينا انتظر خبر يبرد نار گلبي ماكو القلق و الأفكار السوداويه تفتر براسي كلما افكر صار الها شي مو زين تروح روحي بعد كل هاي السنين
التمينا و راحت مني شكول لـ ولي الله اذا رجع امانتك ضيعتها نار تسعر بين ضلوعي ضليت احوم بالبيت مثل طير مذبوح لا اني طايله سماء ولا اني طايله گاع اجه ابويه مبين عليه التعب و الندم مرسوم ع ملامحه گمت اله بلهفه
_ هاا بشر ما عرفت شي صدام ما رد عليك
هز راسه بنفي
_ بس گال عرفنا المكان و من البارحه لسه ماكو نوب اتصل عليه مايرد
تنهدت بخيبة آمل طلعت موبايلي اتصل ع حمزه هم مايرد يدك وما يشيله
_ حمزه هم مايرد
_ تلگي راح وياه صدام
_ عابد وين
عكد جبينه كانه هسه ياله انتبه هو الثاني هم اختفى دعك جبينه بالم
_ ماعرف اسيا ماعرف مايهمني اي احد هسه بس رايه ترجع سالمه
اتصلت ع مهره
_ ها ماسمعتوا شي
ردت مبين من نبرة صوتها تبجي كوه اطلع الكلمه
_ لا اتصلت ع حمزه مايرد
كعدت ع جمر انتظر عاينت لغفران حاطه سجاده تصلي و تقرا قران تدعي بدموع الندم ترجع رايه،،، رهف، ليال البيت كله بالحظه وحده نگلب من فرح و لمه حلوه لحزن و خوف
مثل بيت و يزوره الموت گمت اجر بنفسي الجبيره ولازم اقوي نفسي لازم اوكف للكل سويت اكل الهن صارلهن يومين ما ماكلات و رهف حامل هم حطيت الأكل ع طاوله صحت
الهن اجن كعدن صافنات
