یەڪەمین ڕوناڪی

لە پاڵەوانەوە بووم بە جرج~

بەر لە هاوسەرگیریی، سێ جار ژوانمان دانا. پێکەوە چووین بۆ سینەما و سەیری فیلممان کرد. دەمبینی چەندە پاڵەوانی فیلمەکانی خۆشدەوێت و چەندە سەرسامی شەڕەکانیانە! بۆیە منیش بڕیارم دا وەک پاڵەوانەکان پۆشاک بپۆشم. تەنانەت هەوڵمدا چەند شەڕێکیش بکەم تەنها بۆ ئەوەی ئەو دڵخۆش بکەم. بەردەوام بە بەردەم ماڵیاندا دەڕۆیشتم تا ئەو جلوبەرگ و ستایلەم ببینێ. ڕۆژێک باوکی هاتە بەردەمم و گوێچکەی گرتم و بردمییە ژوورەوە.
بێ ئەوەی لە هیچ تێبگەم، باوکی هاواری
کرد « ئەگەر هاوسەرگیری لەگەڵ ئەم پاڵەوانە گەمژەیەدا بکەیت، پێکەوە لەبری نان دەبێت هەوا بخۆن.» لە پاڵەوانەوە بووم بە جرج بەدەستیەوە. بە هەر شێوەیەک بووە هەوڵم دا هەڵبێم. «نازی» هاتە بەردەمم و لێیپرسیم «دەتوانیت کارێک بدۆزیتەوە و نان پەیدا بکەیت؟» منیش گوتم
«هەرچیم لەدەست بێت دەیکەم.»
ڕۆژی دواتر بە ڕەزامەندی بنەماڵەکەی، هاوسەرگیریمان کرد. لەو ڕۆژەوە تا ئێستا، چەندین جۆری کارم
تاقیکردووەتەوە و باوکی دوو منداڵیشم.
ڕۆژێک لە «نازی» یەم پرسی
«بەوە بێتاقەت نیت کە من وەک پاڵەوانەکان نیم و ناتوانم وەک ئەوان شەڕ بکەم؟» بە پێکەنینێکەوە وەاڵمی دامەوە «پاڵەوانی ڕاستەقینە کەسێکە کە شەڕدەکات لە پێناو بەخشینی خۆشەویستی بە خۆشەویستەکەی. کەواتە تۆ پاڵەوانیت.»

- یوسف

"هەموو وشەڪان لە زاری خۆیانەوەوەرگیراون"
چەن بە جوانی لە خۆشەویستی گەشتوون