یەڪەمین ڕوناڪی

مۆنیا~

هەندێك جار دەچم سەرێک لە ژنە کۆنەکەم دەدەم، چونکە هیچ کەسێکی دیکەم نیە بچم بۆ لای. هەموو پێم دەڵێن کە ئەو ژنێکی خراپە، بەڵام من دەزانم ئەو بە چ بارودۆخێکدا تێپەڕیوە، بۆیە هەرگیز بۆ یەک چرکەش لۆمەیم نەکردووە. نەمدەتوانی تەنانەت جلیشی بۆ بکڕم، لەگەڵ مندا برسێتیەکی زۆری چەشت. گوێم لێ بوو چەندین شەو دەگریا. تەنها یەک منداڵمان هەبوو، بەڵام لەدەستماندا و کۆچی دواییکرد، لەبەر ئەوەی من پارەم نەبوو چارەسەری بکەم. هەر کات سەردانی دەکەم، شیرینیم دەداتێ، لە ژورە تازەکەی هەمیشە شیرینی لایە. بیریشی نەچۆتەوە من چەندم حەز لە شیرینییە. ڕەنگە ئێستا بەختەوەرتر بێت. ژیانمان زۆر جیاواز دەبوو ئەگەر بمتوانیایە منداڵەکەمان چارەسەر بکەم. هەرگیز لۆمەی مۆنیا ناکەم لەبەر ئەوەی منی جێهێشتووە و ئێستا لە سۆزانیخانەیەک ئیش دەکات. هەموو پێی دەڵێن سۆزانی، بەڵام بۆ من ئەو هێشتا هەر ژنە نازدارەکەی خۆمە ...

کۆمیش، ٤٥ ساڵ

"هەموو وشەکان لە زاری خۆیانەوە وەرگیراوە"