یەڪەمین ڕوناڪی

من ڪوڕێڪی زیرەڪم~

باوکم زۆر رەزیل بوو. ئەم رەزیلییە من و دایکمی بێزار و بێتاقەت کردبوو. هەر کات داوام لێدەکرد چوکالتەم بۆ بکڕێت، هەمیشە دەیگوت «ئێستا نا، سبەی بۆت دەکڕم». ئەو سبەینێیەش هەرگیز نەدەهات. هەرگیز هیچ بڕە پارەیەکی نەدەدا بە هەژاران، تەنانەت نەیدەدا بە ئێمەش. من و دایکم هەوڵماندا ئەم هەڵسوکەوتەی بگۆڕین. ڕۆژێک چوو بۆ شار. بڕیار وابوو ڕۆژی دواتر
ئێوارەکەی بگەڕێتەوە. ئەو شەوە من و دایکم هەندێک پارەمان لێ دزی. بەو پارەیە خواردنمان بۆ
سەدەها کەس کڕی. بە ناوی باوکمەوە، کەسە هەژارەکانی گوندەکەمان بانگهێشت کرد بۆ ژەمێکی
نانی نیوەڕۆ. کاتێک هەموو نانی نیوەڕۆیان دەخوارد، باوکم گەڕایەوە. هەموو سوپاسیان کرد و
تەنانەت هەندێکیان دەستیان کرد بە گریان. باوکم زۆر سەری سوڕما، هیچ قسەیەکی نەکرد.
ڕۆژی دواتر کاتێک باوکم چوو بۆ بازاڕ، هەموو بەرەو ڕوی دەهاتن و بە میهرەبانیەوە دەستیان
دەگوشی و سوپاسی میهرەبانییان دەکرد. بینیم ڕوخساری باوکم دەدرەوشێتەوە. کە گەیشتینە ماڵەوە، من و دایکمی بانگ کرد و پێیگوتین «هەرگیز پێموانەبووە بەخشینی پارە بۆ خەڵکی، هێندە دڵخۆشکەربێت. لەبەر ئەوە لێتان خۆشدەبم بۆ دزینی پارەکانم».ئەوەت پێبڵێم کە دزینی پارەکە، بیرۆکەی من بوو. من کوڕێکی زیرەکم...

- حسێنـی زیرەك

"هەموو وشەڪان لەزاری خۆیانەوە وەرگیراون"
چەن شیرینە خوایەگیانننن