ماكنتي بعيني هوى نفس وملذّة طيش ‏أنا اللي شفتك بعين الستر وأميمة عيالي.

‏𝐏𝟐~

أم صبا: فترة مراهقه وشو ذي لها سنين تراهق ماخلصت مراهقتها لو ماتشد عليها أنا أعرف كيف أكسر خشمها.
أبو صبا وهو يقوم : على هالخشم أبتكلم معها ومايصير خاطرك الا طيب.
توجه لغرفة نغم فتح الباب وشافها بالزي الموحد لتخصصها وهو السياحه: هالله الله وش هالزين يابابا .
نغم وهي تتوجه له وتضمه: أبوياااااا صباح الخير .
أبو صبا وهو يقبل راسها: صباح النور يا أول فرحتي.
صبا من وراهم وهي ترفع أكمامها وتنط على ظهر أبوها: شعندكم متجمعين هنا.
نغم بإنزعاج:تراك مو بزر إنزلي عن بابا .
أبو صبا وهو ماسكها بيده خايف عليها تطيح وتتعور: مخلف قرد أنا.
صبا تسوي نفسها زعلانه: اي انا قرد وغيري أول أفراحك ماعليهههه.
أبو صبا بضحكه: إنزلي عني يبابا وخليني أتكلم معك ونغمي روحي أفطري مع مامتك يلا .
صبا حاولت تهرب بس مسكها أبوها وضحك:تعالي هنا وش مسويه بالمدرسه ومزعله أمك.
صبا وهي تحاول سحب يدها: وربي مو غلطانه دافعت عن مظلومين.
أبو صبا: اجلسي وكلميني عن السالفه.
صبا وهي واقفه تشرح لأبوها السالفه وبإنفعال: متخيل إنها مسويه باد قيرل ومتنمره وانا قمت عليها لانها ضايقت صاحبتي الجديدة دُره ودُره ساكته لها.
أبو صبا: يابابا كم مره أقولك أنك بنت ماينفع تصرفاتك ذي والضرب مو للبنات.
صبا كتفت يدها: تراني بس قطعت الاكستنشن اللي بشعرها يعني كمان مسويه إنها كلها طبيعي وهي مزيفه .
أبو صبا بضحكه:أوعديني ماعد تسويها.
صبا وهي تهرب:بحاول بس ماوعدك.
قام أبو صبا وهو يحمد ربه على بناته وزوجته اللي يحس فعلاً إنه ملك الدنيا فيهم وراح يجهز عشان يشوف الشركه وأمورها.
~
في بيت أبو غياث
سمع صوت صياح من أحد غرف بناته توجه وهو مفزوع لغرفة علياء لان مصدر الصوت كان منها فتح الباب وتكلم بفزع:شفيك يابنتي.
علياء والدموع بعينها:فاتني الإختبار ياربييي.
أبو غياث: الله يصلحك يابنتي خوفتيني عليك مايصير خاطرك الا طيب ينعاد لك.
نزلت دموعها ومسحتهم :يخليك لي ي أبوي.
أبو غياث وهو يلمها بحضنه: ومن لي غيركم يابعدي.
أبو غياث: يلا إنزلي الفطور جاهز بصحي دُرتي واجيك .
نزلت وهي تكتم بصدرها فوضى مشاعرها وتهدي العواصف اللي بداخلها ووضعها اللي تكركب بعد وفاة أغلى شي بدنيتهم أمهم وفارقو أخوهم غياث .