ماكنتي بعيني هوى نفس وملذّة طيش ‏أنا اللي شفتك بعين الستر وأميمة عيالي.

‏𝐏𝟒𝟑~

عند خالد بغُرفة التحقيق دخل علية المُحامي بورقه كان حاطها بكمه فهم خالد وبتعمد مس يد المُحامي كأنها يسلم عليه وأخذ الورقه من كمه وقرأ المكتوب فيها وكان سنه مقابل مليون دولار بس أقلب الدنيا على محمد الصارف ونفس الخُطه بكره شُحنه على طريق الرياض متجهه للمنطقة الشماليه،أبتسم خالد بخبث من المبلغ صح بينسجن سنه بس عارف أنهم مابيخلونه بيطلعونه بأي طريقه طلع المُحامي بعد ما أخذ الورقه وتوجه لسند وسياف يقولهم:موكلي رفض الدفاع عن نفسه وأقر بالإعتراف.
أنصدمو سياف وسند من غرابة إعتراف خالد لهم بوقت قصير دخل سند له:تبي تعترف.
خالد:إيه بس بشروط.
سند جلس على الكُرسي وتكلم بعد ماشغل الكمرات الموجوده:لاتساومني على شروط.
خالد:والله أعترف مُقابل عقوبة مُخففه.
سند:نفكر بالموضوع.
خالد:فكر وتعال أعترف لك.
سند كان بيقوم عليه لولا صوت سياف من المايك:خليه يعترف وشرطه مقبول.
أبتسم خالد وسند شد على قبضة يده بدا خالد يتكلم ويشرح كيف إنهم أتخذوا مسار نقل ممنوعات وتعاقدو مع كذا بايع وكان تحت موافقة محمد الصارف اللي حريص بأن سُمعته وسُمعت الشركة تكون نظيفه وإكمل بتحدي:وإذا ماصدقتوني فيه نقل شُحنه بكره خارجه على طريق الرياض رايحة للمنطقه الشرقيه.
أكتفى سند من إعتراف خالد اللي عطاهم دليل وبيحكمون عليه بعد مايشوفون صدقه،طلع وتوجه لمحمد اللي كان ماسك راسه:أعترف مُحاسبك خالد بنتأكد من صحة كلامه.
محمد الصارف بصدمه:أعترف بأيش كُل شي قانوني.
وراه سند الأعتراف لعل وعسى إنه يستسلم ويعترف لكنه أنكر طلع سند بعد ماشاف إنكار محمد وزهق منه أما محمد الصارف حس بالغدره من مُحاسبه خالد كيف ماشك فيه كيف ثقته الزايده خلته يخسر كُل شي من يده كيفف وصل لهنا.
طلع سند وشاف سياف يودع اللي بالمركز هو وفرقته تقدم له:وين يالنسيب.
تفاجئو اللي بالمركز من قول سند يالنسيب وناظروهم بصدمه تكلم سند تحت إندهاشهم:شفيكم تراه نسيبي .
سياف ضحك:باقي ماأعلنت طيب أصبر.
سند بضحكه:والله ياسياف معليش ماقدرت أفرح زين بأختي من ذي المُهمه.
ربت سياف على كتفه وودعه:هانت هانت.
طلع سياف للمطار وتوجه لطائرتهم الطارئه وأقلعو فيها راجعين للرياض رجع ودخل بيته ونام بعُمق نسي بأنه وعد نهال يكلمها تعويضاً عن اليوم اللي سحب عليها فيه.