ماكنتي بعيني هوى نفس وملذّة طيش ‏أنا اللي شفتك بعين الستر وأميمة عيالي.

𝐏𝟏𝟐~

‏
عند عايد بالمجمع
طلع لموقف سيارته بعد مارجع وخلص من أغراض أخته يبي يفاجئهم فيها لكنه هو تفاجئ من شاف سيارته وتعبه وشقاه مصدومه وبشكل بشع،رمى الأغراض وركض لعند السياره،
عايد:راحت ال𝐁𝐌𝐖.
السواق:أنا أسف.
عايد:وين أصرفها ذي ممكن تقولي.
نزلت من وراء السواق:معليش لو سمحت بس مستعجله بكتب لك رقم بابا.
عايد غمض عيونه بعصبيه من عرف صاحبة الصوت:وسهالات الوضع تعطيني رقم أبوك.
جيلان:شفيك ترا 𝐁𝐌𝐖 لاراحت ولا جت.
عايد:أسكتي يابنت النعمة،ماني متحرك لين يجي نجم.
جيلان بققت عيونها تعرف نجم والأمور ذي تطول الوقت:اسمعني بدق على بابا وتفاهم معاه ماقدر انتظر نجم يجي.
أخذت جوالها ودقت على أبوها وشرحت له المُشكلة وقال لها عطية الجوال،
جيلان:تفضل بابا بيكلمك.
عايد أخذ الجوال:أرحب يعمي.
أبو جيلان:ياهلا فيك ياخوي بس معليش ممكن الاسم.
عايد:عايد أحمد الفزاع.
أبو جيلان بتلطيف للجو:والنعم هلا بولد العقاري.
عايد بضحكه:هلا فيك ياعمي،مادريت إنك تعرف الوالد.
أبو جيلان:كيف ماعرفه وأنا نُص عقاراته شاريهم.
عايد:الله يبارك لك يارب.
أبو جيلان:أمين،الحين أنت تهاوش بنتي على𝐁𝐌𝐖 وأبوك عقارات الرياض بجيبه بس أبشر بالعوض روح للوكالة تبع السيارة أو لا تروح بيجيك مندوب من شركتي بيتكفل بتصليحها كلها.
عايد بإحراج:والله ياعمي ماني مثل بنتك كلشي متوفر لي كل ذي بتعبي وشقاي لاتلومني وأنت تعرف الوالد شديد شوي .
أبو جيلان بضحك:أعرفة أعرفة ماحد يعرفة قدي بالصفقات ولا صفقة تروح منه.
عايد:إيه قدامك أحمد الفزاع مو أي أحد.
أبو جيلان:يلا ياعايد نفس ماتفقنا ،فمان الله.
عايد قفل:ربي سلمك.
جيلان عطته نظرة وركبت السيارة وتوجهت لبيتها.
وعايد كذالك رجع البيت بعد ماخذ قهوه لأخته وصاحبتها.