ماكنتي بعيني هوى نفس وملذّة طيش ‏أنا اللي شفتك بعين الستر وأميمة عيالي.

‏𝐏𝟑𝟖~

   
دخلت نهال وفصخت عبايتها وتقدمت تسلم على خالتها وبنتها،
خالتها بغيره:وشو له الذهب ذا كله وإنتي عوده.
بنتها صغرت عيونها بحقد:عقبال اللي تستاهله.
نهال إبتسمت بخبث وثقه بنفسها تتذكر سالفة سند اللي توها تعرف فيها:والله شاريني وشاري رضاي يقول لو ماتبينه أغيره لك.
أمها أنبسطت من سياف كيف غرق بنتها بالذهب وتهمها المظاهر:ذا زوج بنتي الكفو.
نهال تكلمت:عن إذنكم مثقل علي بروح أفصخه.
طلعت تحت أنظار خالتها وبنتها اللي بياكلونها من الحسد والغيره دخلت غرفتها تفصخ الذهب وكل شي وتبدل ملابسها أبتسمت من تذكرت موقف سياف لما لبس الزي حقه وحب يخلد الذكرى بصوره جميلة وحركته دخلت قلبها.
نزلت بعد ماصورت صور لها أمام المراية كانت ناويه تنزلها ستوري ولبست شي مُريح وبيدها جوالها الجديد لاحظته أمها وتكلمت بعصبية:من وين الجوال.
نهال تكلمت بخوف وتلعثمت:سياف جابه .
قامت أمها تاخذ الجوال ووقفت تعارضها نهال لأول مره وأنصدمت أمها:ماني بذمتك الحين إنتي وأبوي أنا بذمة رجال مالكم دخل فيني.
تراجعت أمها وتفشلت قدام أختها وبداخلها تاكل بنفسها،جلست نهال تسترجع حساباتها ووصلتها رسالة من سياف أبتسمت عليها كان محتواها:تمنيت الساعات تطول معاك لكن الأيام تعوضني مبروك عليك أنا ،نفس ماقلت لك لايردك إلا لسانك وخليك قريبه من الجوال بدق عليك بالليل،وضيفيني بكل مكان .
بنت خالتها بلقافه:الحُب مرسلك.
نهال عطتها نظره:شدخلك حبيبي.
-
عند سياف رجع لأهله ووجه ماليه السعاده وراوي بالحُب أستقبلته أمه عشان تخبره بجية أهلها دخل سلم عليهم وجلس يسولف مع خالاته وخواله وأخوانه وقالهم شصار معه وكانو سعيدين جداً له،قاطعه إشعار إنها ضافته بسناب ودخل شافها منزله صورتهم مع بعض أبتسم بخفه تحت أنظار عايلته،
نايف:له له لعبت بإعدادات الفريق أول سياف.
مجيد غمز لسياف:الله يستر لايكون تحمس وفجع البنت.
سياف أخذ المخده ورماها على نايف من فهم مقصده:تحسبني وصخ مثلك لاتخليني أقول لأبوي علومك.
مجيد ضحك بغباء وهو يتذكر ضرب أبوه له عشان الصلاه:كنت بفضح نفسي ماعليك عطاني وحده ذاك اليوم وبغيت أفضي القربه.
ضحك سياف على مجيد وغباءه وتكلم:بإذن الله زواجي بعد أربع شهور .
واستاذنهم يطلع للغرفه.