أخذها وجلسها على الكنبه اللي فوق الاستيج وخلاها تنتظره لثواني وجاء ومعه أكياس هدايا وعُلب كبيره جلس بجانبها بعد ماحط الاكياس على الطاوله :ذي لك وأعذريني لو قصرت بحقك،أفتحيها لو ماعجبك شي منها عيوني لك.
بدت نهال تفتح كل البوكسات وتفاجئت بذوق سياف وتكلمت:ذوقك مره حلو.
طلع من جيبه جوال وكرت شريحه ومده لها أنبسطت نهال مره وبكل براءه ضمته وسياف أنبسط من ضمته ضحك بخفه وبادلها:لو دريت أنك بتضميني جبت 10 مو واحد بس.
أحمرت خدودها وتكلمت بحماس وهي تفك الجوال وتشغله:لازم أول صورة تكون لنا الأثنين.
ضحك سياف بخفه وأشر على خشمه:على هالخشم.
وقفت ووقف معاها مسكت يده بحيث يوضح بس شكلهم من تحت ولقطت الصوره وابتسمت له وهو بادلها الإبتسامه
أخذ صندوق الذهب وتكلم:عاد أمي موصيتني مارجعك لبيت أهلك إلا وأنا مغرقك ذهب ولازم تلبسيه وعاداتنا تقول كذا .
أحترمت نهال عادات أهل سياف وبدت تلبس الذهب وهو يساعدها فيه وصل للحزام وقفت أمامه ولف يدينه حول خصرها يركب الحزام وكان مفتوننن فيها وبجمالها ويسمي عليها بداخله أنتهى من تلبيسها:ماودك تشوفين بيتك.
نهال بفضول:يلا .
مسك يدها وبدا يجولها ببيتهم ويوريها كلشي ويتكلم لها عن الأثاث ومن وين جابه وإذا حابه تغيره بيغيره لها أنتهو من جولة البيت تكلمت بإحراج وخوف وضح له بعيونها:أحسني تأخرت على أهلي ممكن ترجعني.
فهم سياف عليها ووافقها الرأي طلعت تلبس عبايتها وهو يدخل الاغراض بالسيارة تقدمت عنده وفتح لها الباب وجلست داخل السياره ولف لجهته عشان يركب وشغل لها أُغنية طلال مداح اليوم يمكن تقولي يانفسي إنك سعيدة تعبر عن حُبه لها ومسك يدها وباسها وعيا يفكها إلى أن وصلو وساعدها بالاغراض دخلت وتفاجئت بجية خالتها وبنتها.
أنت تقرأ
ماكنتي بعيني هوى نفس وملذّة طيش أنا اللي شفتك بعين الستر وأميمة عيالي.
Cerita Pendekرواية جديدة وحلوه وأحداثها سريعة مابين زواج بطلي سند على زوجته صبا ومابين نهال وسياف اللي ألتقو بقضيه وهي المتهمه🔥🔥
