ماكنتي بعيني هوى نفس وملذّة طيش ‏أنا اللي شفتك بعين الستر وأميمة عيالي.

‏𝐏𝟑𝟎~

ببيت أبو سند
كانو جالسين يتغدون ونهال معهم مجبوره،
أبو سند تكلم بزعل:تقدم لك واحد لكن ماهو من ثوبنا أحمدي ربك .
نهال وعلامات الضرب بوجهها ساكته وتاكل بغصه،
أم سند:ماعليك باخذها معي الجمعه الجايه وصدقني بتنخطب ماقد شافو بنتي من الدلع لكن الحين بطلعها من عينها.
ناظرها أبوها بحده:اللي بوجهك ذا لاشوف سند شايفه أخفيه ولا سوي فيه أي شي.
نهال والدموع بعينها:أبشر.
لكن الفرحه ماتمت قاطعهم دخول سند اللي مبتسم ارتبكت نهال وقامت بسرعه ماتبي سند يشوفها وتكبر المُشكله بينه وبين أبوها،أنصدم سند وتحولت ملامحه لصدمه ماتعود على نهال تهرب منه،
تكلم بضيق:شفيها هربت.
أمه تكلمت بكذب وشافت إبتسامة سند :متفشله من عمرها.
تكلم سند:إذا خلصت أكلك يابوي أبيك بكلمة راس.
أبو سند:روح لمكتبي دقايق وجايك.
راح سند مكتبه وقرر يخلي نهال على راحتها مصدق كذبت أمه لكنه بيتكلم معها بعد أبوه وكم دقيقه ودخل أبوه لعنده،
أبو سند:خلصني وش عندك.
سند:فيه أحد شاري نهال ويبي القرب منا.
أبو سند:من ولده إذا ماهو من سلومنا ولا من ثوبنا لاشوفه.
سند بثقه يعرف أبوه مُستحيل يرفض سياف:سياف بن تركي آل جسار.
أبو سند بصدمه:كيف يبيها وهي كانت عنده بقضيه.
سند عصب:ترى مو قضية شرف ولو شاف عليها شي ماخطبها ماتبي الفكه منها جاك اللي ماتقدر ترده.
أبو سند بغير أهتمام:رحب فيهم بكره.
سند:أبشر.
طلع من غرفة أبوه وراح لنهال اللي غطت ملامحها بالميكب دخل عليها وهي جالسة تتابع،جلس جنبها وتكلم بضيق:شفيها أخت سند مستحية مني.
نهال عرفت أنهم كذبو على سند ونزلت راسها تخفي دموعها:ماقدر أقابلك بعد اللي صار.
سند رفع راسها بيده:لا أشوف ذا الراس ينحني بيوم وترى جاك الفرج.
نهال بفرحه:كيف مافهمت.
سند:جاك خطيب.
نهال كشرت وجهها:مابيه.
سند أخذ يدها بيده:صدقيني ياروحي ماعندي أغلى منك بذي الدنيا ووالله لو ما أعرفه وأعرف أخلاقه ماكان رحبت فيه وجيت من وسط مُهمتي عشان أفرح فيك بعدين يانهال عيشتك مع أبوي ولا زوج يعزك ويعطيك مكانه.
نهال فكرت بوضعها:مين هو.
سند بإبتسامه فيها حنيه:سياف اللي كان ماسك قضيتك.
نهال خافت:لا ياسند بيعيب علي.
سند أشر لها بأنها تسكت:نفس ماقلت لك الرجال شاريك ويبيك ولو ماشاف نزاهتك وسمعتك الطيبه وأنك طحتي هناك بالغلط ماكان دق علي وكلمني أنا بالذات كان جاء لأبوك وخطبك منه وإنتي عارفه أبوك شقال قدامه.
نهال بضيق:بستخير طيب.
سند:إستخيري مره وثنتين وثلاث مابرميك على واحد مايخاف الله فيك لاتخافين .