ماكنتي بعيني هوى نفس وملذّة طيش ‏أنا اللي شفتك بعين الستر وأميمة عيالي.

‏𝐏𝟏𝟔~

طلع سياف من عند نهال وانتظر المحقق يحقق مع جيلان العمار ويجمع أقوالهم ويدقق فيها ربع ساعة وتقدم له المحقق بتقرير أقوال جيلان ،اخذهم سياف وتطابق كلامها هي ونهال تكلم بحيرة أفحصوا أجهزتهم وخلو كل وحدة بغرفة لحالها ،تقدم المحقق وأخذ أجهزتهم يوديها للفحص وطلع سياف من غرفتة لغرفة تحقيق نهال بس حقت المراقبة يبيها تصدر أي ردة فعل مشكوك فيها لكنها كانت تفرك يدها ببعض ومرات تحاول تخفف عن نفسها الخوف لكن كل محاولاتها بأت بالفشل وبدت تنكتم من الخوف والتوتر والتفكير بأهلها وبدت بدون وعي تفصخ نقابها والحجاب وتهوي نفسها جاهلة بأن فيه كامرات وجاهلة اللي يراقبها بتمعن ماستمرت نهال ودخلت بنوبة هلع قوية تحس بدوخة وجالسة تتعرق وماهي قادره تسيطر على تنفسها وفقدة السيطرة على نفسها وطاح مغمى عليها ،طلع سياف بخوف ودخل للغرفة حملها وراح فيها للعيادة الخاصة بالعسكر والموجوده بالمقر بداء الدكتور يفحصها ووضح معاه:أمورها طيبة مرت بنوبة هلع.
سياف وهو يرتاح من داخلة لكنه رجع عصب :غبيه قلت ذي ماتت.
الدكتور بضحكه:بعطيها مُهدئ.
سياف: حط لها اي شي إذا صحت نادني.
دخل سياف لغرفته ولحقه المحقق بالاجهزه والتقرير حق كل جهاز.
المحقق:كلها نظيفة .
سياف ضرب يدة بالطاولة شلون نظيفة وليه بنات نظيفات كذا يغلطون ذي الغلطة:خذ جوالاتهم وخل المختص يفك الشفرات وعطني هي.
نفذ المحقق أوامره ومسك سياف جوال جيلان لكنه ماطول بس عرف وأستنتج معلومات كثيرة.
أخذ جوال نهال وبدا يتصفح ودخل لكل برامج التواصل يفصفص كل جزء لكنه مالقى شي وذا اللي جننه.
مسك ملف كل واحدة واتصل على ولي أمرها وماطول أبو نهال جاهم ركض ،أما أبو جيلان بحكم انه خارج السعودية بيتأخر شوي بس راح يجي.