ماكنتي بعيني هوى نفس وملذّة طيش ‏أنا اللي شفتك بعين الستر وأميمة عيالي.

‏𝐏𝟒𝟒~

ببيت أبو سند
كانت نهال تنتظر إتصاله بس مستحيه منه ومارسلت له ولا شي طال إنتظارها إلى أن سرق عيونها النوم ونامت بغفلة صحت الصباح على صوت بنت خالتها:نهال قومي أمك تبيك.
نهال أنزعجت:تمام روحي.
دقايق ونزلت نِهال لأمها وأمرتها تجهز الفطور لهم بحيث عايد وأبوها لحالهم وأمها وأختها وهي وبنت خالتها منفصلين،لمت نهال شعرها وبدت تجهز الفطور لأهلها وكان بخاطرها حركة سياف وسحبته عليها مرتين لكنها تجاهلته وجلست تسوي البيض المقلي وتتفنن بالفطور نهال بنت ماعاشت مُراهقتها إلا بالمطبخ مع أُمها برغم وجود شغاله بس ولا يُمكن أم سند تخليها تُطبخ لهم أنتهت من الفطور وأخذت الصينيه متوجهه فيها لأبوها وأخوها بالمجلس،
عايد أبتسم:من زمان عن فطورك نهال.
نهال ضحكت:جاك يامهنا ماتتمنى.
فرشت لهم السُفره وحطت عليها صحُون الفطور وقامت من خلصت كُل شي وراحت تفطر مع أمها وخالتها بالصاله،
تكلمت بنت خالتها بدقه:كانك مو نايمه بدري.
نهال:إي نمت متأخر.
بنت خالتها بخُبث:ليكون ماخلاك تنامين وحلستو تكلمون بعض ساعات طويلة.
نهال فهمت قصدها تبي تشوش أمها عليها:إيه حبيبي هو جلس يشرح لي ويقولي وش تبين من أثاث لبيتك ووين تبين نسافر.
أنقهرت بنت خالتها بغيض من قلبت نهال عليها الموضوع:الله يهنيكم.
تكلمت أمها بحماس:بيأثث لك البيت.
نهال:مأثثه هو وعاجبني الأثاث ماله داعي يغيره.
أنصدمت أم سند من نهال وتكلمت بعصبيه:كيف تقبلين تعيشين ببيت أثاثه من قبلك.
نهال بغباء:هذا إنتي أخذتي أبوي حافي منتف وصبرتي عليه .
عصبت أمها وصارخت عليها طلعت نهال وتوجهت للمطبخ تسوي لها أكل وسوت لها أشياء أخذتها وطلعت غرفتها قفلت بالمفتاح.
ببيت سياف
قام وراسه يألمه مسك جواله وتذكر نهال ووعده لها مسك راسه شلون نساها بس مايلوم نفسه سافر ورجع بنفس اليوم وتعب جلس يدق عليها وشاف إنها رفضت المُكالمه،أستغرب منها وجلس يرسلها ترد عليه وتشوف ولا ترد على الرسايل أستنكر سياف فعلتها ذي وعرف إنها زعلت عليه لكن زعلها مو لصالحها.